Aıaq tabaq – qazaqtyń qonaq syılaý, as usyný jolynda, zańynda kelgen qonaqtardy jasyna, syıyna qaraı rettep otyrǵyzady. Úlkenderge bas tabaq, odan sońǵylarǵa orta tabaq, aıaq jaǵynda otyrǵandarǵa aıaq tabaq tartady. Aıaq tabaqqa asyq jilik, tós, quıymshaq, qabyrǵa, arqa, beldeme, syndy kádeli jilikterdi tartady. Muny qazaq kádesinde «aıaq tabaq» dep ataıdy.

      Qazaq asty alalamaıdy.  Biraq, bir maldy kádeli jilikterdi úsh tabaqqa bólip salý da ońaı emes. Mundaı óner kóp qonaqtyń, qalyń aýyzdyń qarnyn toıǵyzýda emes, kóldeı kóńilin shalqyta tabýda jatyr. Osyny tolyq biletin, syryn tereń sezinetin qonaqtar da bas tabaqtan jáne orta tabaqtan aıaq tabaqqa et usynady jilik beredi, jóni bolǵanda óle jemeı, bóle jep olqylyqty óz ishinen teńgerip te kete barady. «Tabaq qaryq, qabaq jaryq», «Gáp tabaqta emes, jarqyldaǵan qabaqta» dep túsinedi, kóldeı kóńil toısa, qýansa, torsyqtaı qaryn toıǵandaı  etke toıady dep tabaqpen emes, kúndeı kúlim qaqqan qabaqpen ólsheıdi. Etten emes, bedeldi betten tanıdy.

Bolat Bopaıuly Jota Qajy