12- jeltoqsan kúni Almaty qalasy Jetisý aýdany №87- jalpy bilim beretin mektepte «Ybyraı Altynsarın atyndaǵy tósbelgi» ıegeri, mektep dırektory – Lázzat Sháımuratqyzy Shaıkenova men «Úzdik pedagog» tósbelgisiniń ıegeri - Nurgúl Qanaıbekova, Zámzagúl Janıeva, Erbol İlıasovtardyń uıymdastyrýymen Qazaqstan Respýblıkasy Táýelsizdiginiń 25 jyldyq merekesine arnalǵan «Tatýlyq pen teńdik jarastyǵy» atty shara ótti.

Shara aıasynda aqyn, pýblısıs, qoǵam qaıratkeri, Halyqaralyq IýNESKO syılyǵynyń ıegeri – Jumash Kenebaı (Kókbóriniń) 1986 jylǵy áıgili Jeltoqsan qasiretine arnalǵan «Zobalań» atty tarıhı dastanynyń sahnalyq nusqasy arada 30 jyl ótkennen keıin tuńǵysh ret jurtshylyq nazaryna usynyldy.

Jumash Kenebaıdyń «Zobalań» dastanyn sahnalaǵan rejıser, kınotanýshy ǵalym, profesor - Shaıahmet Imashuly.

Atalmysh mektep ujymy avtordy, mektep oqýshylaryn jáne rejıserdi eńbekteri úshin  quttyqtady!

Bul sharada № 87- mekteptiń 11 «a» jáne 11 «á» synyp oqýshylary:

Nazerke Ásetova, Dıas Ýagap, Araılym Saıatqyzy, Aıgerim Toıboldy, Bekjan Orynǵazın, Dına Erjanqyzy, Gúlbaný Bazarbaeva, Indıra Djeksenbınova, Álıa Toqmuhamedova, Dıdar Nurtasov, Aıbek Sultanov, Ulbala Nurbek, Farýh Husaıynov, Ádilet Sultanǵalıev syndy jas ulandar óner kórsetti.

Bul arada basa nazar aýdaratyn bir másele - №87-jalpy bilim beretin mektepte búginde 25 ulttyń ókili oqıtyn bolyp shyqty.

Áıgili Jeltoqsan qasiretine arnalǵan shyǵarma «Zobalań» dastanynyń avtory Jumash Kenebaı  mektep ujymyna, «Zobalańda» ról somdaǵan mektep oqýshylaryna, qoıylym rejıseri Shaıahmet Imashulyna sheksiz rızashylyǵy men alǵysyn bildirdi...

Bulǵyn Sýsar