Sýretteme: «Anaǵa aparar jol» kartınasynyń negizgi sújeti ana mahabbatynyń qýatty kúshinen bastaý alady. Osynaý qudiretti kúshtiń arqasynda keıipker úıine barar jolda kezdesken aýyr qınyshylyqtardy jeńip shyǵady. Oqıǵanyń negizgi jelisi qazaq halyqynyń basyna túsken aýyr kezeńmen tuspa-tus kelgen: ujymdastyrý, jut, soǵys jáne soǵystan keıingi jyldar. Kartınanyń basty keıipkeri İlıas erekshe rýhty, erlik pen otansúıgishtik jáne keremet qaısar minez kórsetedi. Taǵdyrdyń aýyr soqqylarymen betpe-bet keledi: balalar úıi, surapyl soǵys, tutqynǵa túsý, jazasyn óteýshiler lagerine tap bolady. Osynaý aýyrtpalyqtardy eńserýge oǵan anamen júzdesý maqsaty kúsh beredi. Fılm ómirlik qundylyqtardyń máni men tirshiliktegi qubylystarǵa ózgeshe kózqaraspen qaraýǵa jol silteıdi.