Shardara aýdanyndaǵy Jaýshyqum aýyly sońǵy birneshe jyldyń kóleminde bitik ósken jýasymen jurtqa tanylyp keledi. Golandıalyq tásilmen egetin pıaz alqabyndaǵy basty erekshelik ondaǵy qol kúshiniń barlyǵy tehnıka túrimen almastyrylǵan. Osylaısha sharýalar aram shópti otaý, pıazdy qolmen jegene jasaý sıaqty mashaqattardan birjola qutylǵan.

Seıdýlla Domatovtyń ıeligindegi «Turar» sharýa qojalyǵy bıylǵy jyly 30 gektar jerge pıaz tuqymyn seýip, onyń jemisi de nátıjeli boldy. Dıqandardyń kóńilderi kóterińki, sebebi gektar túsimi 850 sentnerden aınalyp otyr. Iaǵnı, ár gektardan 85 tonnadan pıaz ónimin alý degen óte joǵarǵy kórsetkish. Jaýshyqumnyń jýasy Astana, Aqtóbe, Almaty qalalaryna  tasymaldanyp, saýdaǵa shyǵarylyp úlken tabys ákeldi.

Al, aýdan basshylarynyń uıymdastyrýymen aýyldan arnaıy beket ashylyp, jergilikti turǵyndarǵa ár kelisi 50 teńgeden jańa pıaz ónimderi taratyldy. Bazarda pıazdyń baǵasy 80 teńgeden ekenin eskersek, arnaıy bekettegi arzan baǵa halyqtyń qaltasyna jeńil tıgeni sózsiz. Osylaısha bıylǵy maýsymdy óte tabysty ári jemisti qorytyndylaǵan «Turar» sharýa qojalyǵy aldaǵy jylǵa da úlken josparlar qoıyp otyr. Máselen, óndirý tehnologıasyna jańalyqtar engizý men qnimdilikti kóbeıtý syndy uǵymdar.

Ásel Ábilbek