AQSH jendetteriniń qolynan qaza tapqan Iraktyń burynǵy prezıdenti Saddam Huseınge taqqan aıyptarynyń shyndyqqa saı kelmeıtini, ıaǵnı, saıası maqsattar úshin oıdan shyǵarylǵany áshkere boldy dep habarlaıdy islam.kz 

Bul jaıynda Ortalyq barlaý basqarmasynyń burynǵy tergeýshisi Nıkson, ıaǵnı, kezinde Saddam Huseındi tergegen tergeýshi jýyrda jaryq kórgen óz kitabynda jarıa etti. Onyń jazýyna qaraǵanda, Irak AQSH-qa jáne ózine kórshi memleketterge qarsy qandaı da bir áskerı is-qımyldardy josparlamaǵan. Ol ol ma, Irak lańkestermen de esh baılanysy bolmaǵan jáne jappaı qyryp-joıatyn qarýǵa ıe bolmaǵan. Sondaı-aq, avtordyń keltirgen dáıegi men deregi boıynsha Saddam Huseın memleketti basqarý isinen qol úzip, Irakta bılikti tóikerip tastaýdyń arty nege aparyp soǵatynyn eskertken eken. Tergeý kezinde Saddam amerıkalyqtardyń álemdegi ózge halyqtardyń mentalıtetimen, ádet-ǵurpymen, tipti, klımatymen de sanaspaıtyn keýdemsoqtyǵyn ashyna málimdegenin de keltire ketken. «Tarıh onyń sóziniń durys ekendigin dáleldep berdi»,- dedi OBB-nyń burynǵy qyzmetkeri.