Reseılik saıasatker Dmıtrıı Oreshkın: «Kezinde Aýǵanstan KSRO-nyń kózin joıǵandaı, Sırıadaǵy soǵys Reseıdi túbegeıli qurtady».

Reseı prezıdenti Vladımır Pýtın Sırıadaǵy soǵysqa qatty tirelip qalýymen úlken qatelik jasady. Osylaı ol Aýǵanstandaǵy soǵystyń bylyǵyna batyp, shyǵa almaı qalǵan KSRO birinshi hatshysy Leonıd Brejnevtiń  qateligin qaıtalap otyr.

Bul jaıynda dialog.ua portaly habarlaıdy, málimettiń qazaqsha nusqasyn Qamshy portaly oqyrman nazaryna usynady.

Dmıtrıı Oreshkınniń aıtýynsha, Sırıaǵa qatysty Pýtınniń eshqandaı da naqty saıası maqsaty joq. Kreml bastamasynda: «Búkil álem Pýtındi qoldap, onyń kúshin kórsetý kerek» degen sıaqty ótirik jeńistiń boıamasy bar. Sol sebepti de, Kreml shyndyqqa janaspaıtyn maqsattar oılap taýyp jatyr, mysaly Bashar Asadtyń rejımin qoldaý sekildi. Reseı áskeriniń kómeginsiz jaýlap alǵan jerlerin baqylaı almaıtyn Sırıalyq dıktatordyń áreketin qoldaımyn dep Reseı úlken aqymaqtyq jasady.

Mundaı úlken maqsatty oryndaýyǵa onyń resýrstary da, áskerı de kúshi jetkiliksiz.

Pýtın Sırıadaǵy soǵysqa basymen kirip ketti, Kreml Brejnev Aýǵanstandaǵy soǵysqa kirip ketkeni sekildi bul teketireske kelip tirelip qalǵanyn baıqaýǵa bolady..

Pýtın qazir Aleppony óz qaramaǵyna aldy, alaıda kezinde KSRO da Aýǵanstan astanasyn óz qoldaryna alyp, ol jerde tipti ınfraqurylym júıesin ornatqan edi. Alaıda, KSRO-nyń resýrstary men qarajaty taýsylǵan soń áskerleri ol jerden masqara bolyp qashýlaryna týra keldi. Dál osyndaı jaǵdaı Pýtındi de Sırıada kútip tur.

Aýdarǵan: Nazerke Labıhan