Qazaq bıligi atalǵan elderde týrısik jáne basqa de sebeptermen júrgen Qazaqstan azamattaryn qatań saqtyq sharalaryn jasaýǵa, barynsha abaı bolýǵa shaqyrady. Bul týraly QR ınvestısıalar jáne damý mınıstrliginiń Týrızm ındýstrıasy departamentiniń dırektory Marat Iǵalı Facebook jelisindegi paraqshasynda jazdy.
Aıta keteıik, 20 jeltoqsanda Berlın ortalyǵynda Gedehtnıskırhe shirkeýiniń mańynda jármeńke ótip jatqan jerde júk kóligi adamdar tobyn qaǵyp ketken bolatyn. Saldarynan sońǵy aqparatqa saı 12 adam qaza taýyp, 48 adam jaraqat aldy. Deutsche Welle basylymnyń málimetinshe, oqıǵa ornyn polısıa qorshaýǵa alǵan. Munda órt sóndirýshiler men jedel járdem kólikteri kelgen. Sońǵy málimetke saı júk kóligin tizgindegen jendet tutqyndalǵan. DAISH-tyń bul qylmysty óz moınyna alǵany habarlandy.
Marat Iǵalıdiń aıtýynsha, QR SİM Departamentine qazaqstandyq týrıserdiń zardap shekkeni jaıly málimet túspegen. "QR SİM Týrızm ındýstrıasy departamentindegiler Germanıa aýmaǵynda júrgen qazaqstandyq týrıserge abaı bolýǵa, qaýipsizdik erejelerin saqtaýǵa jáne adam kóp jınalǵan jerlerde júrmeýge keńes beredi", - dep jazdy Marat Iǵalı.
Sondaı-aq, 19 jeltoqsanda Reseıdiń Túrkıadaǵy elshisine qastandyq jasalǵan bolatyn. Sarapshylar budan keıin Taıaý Shyǵys múlde ýshyǵyp ketýi múmkin dep otyr. Aıta keter bolsaq, Máskeýde búgin Sırıa máselesi boıynsha Iran, Túrkıa jáne Reseıdiń úsh jaqty kezdesýi ótedi. Atalǵan jaǵdaıǵa qaramastan elder jınalysqa qatysatynyn málimdedi.
