Ótken aptada eki belgisiz batystyq týrıserdiń Indonezıa araldarynda urlyq istegenderi úshin aıyptalyp, «masqara» dep atalatyn sherýde jurt aldynda júrip ótti.

Sýrette Gılı Travangan aralynda kúshtik qurylymdarynyń jetekteýimen moınyna qaǵaz asynǵan sheteldik áıel men er adam.

Ol qaǵazda: «Men urymyn. Meniń istegenimdi qaıtalamańdar!» dep jazylǵan.

Bul Gılı araldarynda kóp jyldan beri qoldanylyp júrgen tájirıbe bolǵanymen, onyń naqty neden shyqqany anyq emes.

Áleýmettik jelilerde bul sýretter paıda bolǵan soń, Facebook betterinde bul erekshe salt jaıly aıtyp berýin kóptegen  adamdar surap, qyzyǵýshylyq tanytty.

Batys Shaǵyn Zond araldary provınsıasynyń týrızm keńsesiniń bastyǵy Lalý Muhammad Faýzal BBC-ge bergen suhbatynda: "jergilikti turǵyndar men polıseılerdiń kelisimimen bolǵan sherý qylmys jasaýshylarǵa úlgi bolsyn degen nıetpen jasalady", – dedi.

Mundaı júristerdiń kóbisi Gılı Travangandaǵy iri  jáne damyǵan úsh aralda, Balıden shyǵysqa qaraı 40 shaqyrym bolatyn Lombok jaǵalaýynda bolyp turady.

«Mundaı sherýler nátıjeli bolyp keledi. Óıtkeni araldarda qylmys sany az jáne sherýdegi adamdardyń kóbisi jergilikti turǵyndar, keıde aqshalary taýsylyp, urlaýǵa májbúr bolatyn týrıser de bar», – deıdi Faýzal.

Aýdarǵan Shaıhy Maral