Súrıh qalasynyń Islam ortalyǵynda belgisiz er adam ǵıbadat jasap jatqan adamdardy atqan dep habarlaıdy ATS agenttigi. Onda 10 adam bolǵan. Ǵıbadat jasaǵandardyń kóbi Soltústik Afrıka, Somalı jáne Erıtreı elderinen kelgender. 30, 35 jáne 56 jastaǵy úsh er adamǵa oq tıip, aýyr jaraqat alǵan. Olar aýrýhanaǵa jetkizildi.  

Jergilikti quqyqqorǵaý organdarynyń málimetinshe, shabýyl jergilikti ýaqyt boıynsha 17.30 bolǵan. Qazir polısıa oqıǵa ornynan qashyp ketken adamdy izdestirip jatyr.

Kýágerlerdiń aıtýy boıynsha, qaskúnem jaqyn jerde ornalasqan ortalyq temir jol vokzalyna qaraı bettegen.

Shabýyl bolǵan Islam ortalyǵy kóbine meshit retinde paıdalanylady. Aıgasse kóshesinde ornalasqan Islam ortalyǵy qorshaýǵa alyndy.

Kýágerlerdiń aıtýynsha, shabýyl jasaǵan er adamnyń jasy 30-darda. Ol qara tústi kıimde bolǵan. Basyna toqylǵan malaqaı kıgen.

Islam ortalyǵynan birneshe metrde óli adamnyń denesi tabylǵan. Ol atys kezinde qaıtys boǵany nemese basqa jaǵdaıda kóz jumǵany tekserilip jatyr.

Shabýyldyń maqsaty áli belgisiz.

Shveısarıada 8 mıllıon adam turady. Onyń 450 myńy musylmandar.