Búgin Qazaqstan Respýblıkasy Úkimetiniń otyrysynda QR Investısıalar jáne damý mınıstri Jeńis Qasymbek «Standarttaý týraly» Zań jobasyn jáne «Qazaqstan Respýblıkasynyń keıbir zańnamalyq aktilerine ólshem birligin qamtamasyz etý jáne standarttaý máseleleri boıynsha ózgerister men tolyqtyrýlar engizý týraly» Zań jobasyn tanystyrdy.
Zań jobasynyń maqsaty ónimderdiń sapasy men qaýipsizdigin, adam ómiri men densaýlyǵynyń qaýipsizdigin, qorshaǵan ortany qorǵaý jáne ulttyq qaýipsizdikti qamtamasyz etý, ulttyq taýarlardyń, jumystar men qyzmetterdiń básekege qabilettiligin arttyrý, sondaı-aq, ınovasıany tıimdi engizýdi qoldaý jáne joǵary tehnologıalyq óndiristerdi damytý.
«Damyǵan elder tájirıbesi negizinde zań jobasyna Ulttyq standarttaý organy engizildi, ol standarttaý boıynsha barlyq úderisterdi úılestiredi. Ol barlyq múddeli taraptardy (memleket-bıznes-tutynýshylar) esepke alyp, konsensýs negizinde standarttar qabyldaý úshin qolaıly jaǵdaı jasaýdy kózdeıdi. Bunyń nátıjesi básekelestik orta qalyptastyryp, ishki jáne syrtqy naryqta senim týdyratyn standarttar bolýy kerek»-dedi mınıstr J.Qasymbek.
«Qazaqstan Respýblıkasynyń keıbir zańnamalyq aktilerine ólshem birligin qamtamasyz etý jáne standarttaý máseleleri boıynsha ózgerister men tolyqtyrýlar engizý týraly» Zań jobasy QR 6 kodeksi men QR 43 zańyna ózgerister men tolyqtyrýlar engizýden turady. Ol ólshemder baqylaýyn qamtamasyz etýdi halyqaralyq modelge sáıkestendirýdi kózdeıdi. Birinshi kezekte salystyryp tekserýdiń ornyna etalondardy kalıbrleý engiziledi. Bıznestiń qosalqy shyǵyndaryn boldyrmaý úshin (quraldardy salystyryp tekserý jáne kalıbrleý talap etiletin jaǵdaıda) salystyryp tekserýdi kalıbrleý nátıjeleri boıynsha rásimdeý múmkindigi qarastyrylady. Sonymen qatar, halyqaralyq tájirıbege sáıkes, adam ómiri men densaýlyǵynyń qaýipsizdigin qamtamasyz etý, qorshaǵan ortany qorǵaý, ádil saýdany qamtamasyz etý turǵysynan erekshe mańyzdy qyzmet salalaryn qaldyryp, memlekettik metrologıalyq baqylaý salasyn 11-den 6 pozısıaǵa deıin qysqartý qarastyrylǵan.
«Zań jobasyn qabyldaý arqyly ulttyq standarttaý jáne ólshem birligin qamtamasyz etý júıesin halyqaralyq modelmen úılestirý, konsensýstyq ulttyq standarttar qabyldaý, ónim, jumys jáne qyzmetter sapasyn damytý men ınvestısıalar tartý úshin jaǵdaı jasaý jáne ınovasıalar engizý men tehnologıalar transfertin yntalandyrý sıaqty nátıjelerge qol jetkizemiz»,-dep atap ótti QR Investısıalar jáne damý mınıstri Jeńis Qasymbek.
