Aqtóbedegi munaı urlyǵyna qatysty tutyndaýlar endi Astanada jalǵasyp jatyr. Bul joly İshki ister mınıstrliginiń laýazymdy tulǵasynyń qolyna kisen salyndy. Krımınaldyq polısıa departamenti bastyǵynyń orynbasary Rahat Ahanov tipti tergeýge alý úshin Aqtóbege jetkizilip te qoıǵan. Oǵan osy aımaqta qara altyn urlaýmen aınalysqan topqa qoldaý kórsetken degen aıyp taǵylyp otyr dep habarlaıdy ktk.kz.

Rahat Ahanov 5 jyl boıy Aqtóbede oblystyq ishki ister departamenti bastyǵynyń orynbasary bolǵan. Jazdaǵy lańkestik oqıǵadan soń qyzmetin aýystyryp, Astanaǵa ketken edi. Málimetterge qaraǵanda, Ahanov Aqtóbedegi qara altyn urlaǵan mafıanyń áreketine kóz jumǵanymen qoımaı, munaıdy ótkizýge kómek beripti.Osy qylmystyq topty «Aǵaıyndy tórteýdiń» serkesi Erkin İzbasar basqarǵanyn aıta keteıik. Arbaǵa tańylǵan ol qazir sybaılastarymen birge qamaýda otyr. Qylmystyq top quramynda bolǵan 16 adamnyń arasynda salafıtter men quqyq qorǵaý organdarynyń ókilderi bar.