«Qamshy» portaly keshegi aqparattarynda Almaty oblysynda mal bazaryna ketken bir azamattyń joǵalyp ketkeni týraly habarlaǵan edi.

«Qamshy» tilshisine «joǵaldy» delingen azamattyń jary Saba Sharapat kúıeýiniń búgin tańǵy bes jarym shamasynda qaıtyp kelgeni týraly habarlap, alańdaýshylyq tanytqan jurtqa alǵysyn aıtty.

«Ol(«Joǵaldy» delingen jubaıy Jumalyny aıtady. –red) alys aýyldardyń birine mal alýǵa baryp, apta sońynda jaýǵan qardyń, taıǵaq joldyń saldarynan ýaqytynda kele almaı qalypty. 3-4 kún ótip bara jatqannan keıin, Uzynaǵashtaǵy jaǵdaıdaǵy úreı bar, alańdaýshylyq tanytyp, erterek dabyra kóterip jiberdim. Bir shetinen bárińizge alǵysymdy bildirem, istiń artyn kútpeı alańdaýshylyq týǵyzǵanym úshin keshirim suraımyn!», - dedi jary aman-esen tabylǵan Sharapat hanym. Aıtýynsha, kúıeýi habar berýge barǵan aýylynda telefon baılanysy bolmaǵan. 

Aıta keter bolsaq, habardy estigen azamattar erikti túrde «joǵaldy» delingen azamatty izdeýge keshe kirisip ketken. Sondaı-aq, Almaty oblysy polısıasy da izdeý sharasyn qolǵa ala bastaǵan.

Jumalynyń jaryna «Qamshy» tilshisi «jaryńyzdyń birneshe kún joq bop ketýiniń basqa sebebi joq pa?» dep suraq qoıdy. Sharapat hanym «kúıeýiniń tańerteń ǵana kelgenin, sharshap uıyqtap jatqanyn aıtyp, bastysy aman-esen ekenin» jetkizdi. 

Erlan Tóleýbaı