Ulttyq qaýipsizdik komıteti 21 jeltoqsanda elimizdiń aýmaǵynda  «At-Takfır ýal-Hıdjra» dinı-ekstremıstik uıymynyń uıashyqtaryn beıtaraptandyrý boıynsha jumystardy bastady dep habarlaıdy UQK baspasóz qyzmeti.

Jedel is-sharalar bir mezgilde Almaty, Aqtóbe, Atyraý oblystary men Almaty qalasynda júrgizilýde.

Dinı alaýyzdyqty qozdyrý jáne tyıym salynǵan  uıymdardyń  is-áreketine qatysý boıynsha kúdikti bolǵan 16 adam ustalyp,  UQK aýmaqtyq organdaryna jetkizildi.

 Olardyń turǵan jerleri boıynsha tintý jáne basqa da jedel-tergeý, prosesýaldyq is-áreketteri júrgizilýde.

Bul uıymdardyń músheleriniń «senbeýshilik úshin aıyptaý» nemese «takfır» dep atalatyn ustanymdy nasıhattaıtyny belgili, olar, óz kezeginde «Ál-Kaıda», «DAISH»  jáne basqa da birqatar terorıstik uıymdardyń ıdeologıasynda qurylǵan.

                «At-Takfır ýal-Hıdjra» jolyn ustanýshylar Sırıa men Iraktaǵy terrorısterdiń is-áreketterin qoldaıdy, sondaı-aq elimizdiń konstıtýsıalyq zańdary men zaıyrly basqarý túrin moıyndamaıdy.

Atalǵan uıym 2014 jyly sot sheshimimen ekstremıstik dep tanylyp, onyń áreketine Qazaqstan aýmaǵynda tyıym salynǵan. Ol AQSH, Reseı, Qytaı, Mysyr, Lıvıa, Marokko, Tájikstan, Ózbekstan jáne ózge de elderdiń terorıstik uıymdar tizbesine qosylǵan.