Keshe ǵana halyqtyń súıikti ánshisi Qaırat Nurtas eldi shýlatyp, otandyq shoý-bıznesti dúrliktirip buryn-sońdy bolmaǵan ınovasıalyq konsert ótkizdi. Kesh keshigip bastalǵany eshkimniń kóńiline qaıaý túsirmedi. Qyzyǵy, halyq ta toıǵa barǵandaı boıanyp-sylanyp, bir saǵatqa keshigip keldi. Toıdyń bolǵanynan boladysy qyzyq degen maqal bul jerde qısynsyz. Ónersúıer qaýym asyǵa kútken konsert kórermen úmitin aqtaı bildi. Ony konsertke barǵan kórermen retinde dóp basyp aıta alamyn. Biraq, eń qyzyǵy halyq qalaýlysy, ónerpaz Bekbolat Tileýhannyń Qaıratpen birge «Elim meniń!» dep asqaqtata án salǵany boldy. Talantyna shúbá keltirmese de keı qazaq Bekbolattyń dinı kózqarasyna kúmánmen qarap júrgeni ras. Ashyǵyn aıtqanda, salafıt, vahhabıt eken dep oılaıdy. Ondaı aqparatty "Qamshy" portalynan kóp oqıtynmyn. Sol sebepti bul hatymdy "Qamshynyń" ózine jiberýdi jón sanadym. Salafıtterdiń án aıtýdy haram dep tanıtyndyqtaryn bárimiz bilemiz. Endeshe sahnaǵa shyqqan Tileýhan ony salafıt, vahhabıt dep júrgenderdiń aýzyna qum quıǵandaı boldy.

Hat avtory portalǵa óz esimin jarıalamaýdy ótindi.