Qyrǵyzstan prezıdenti Almazbek Atambaev jeltoqsannyń 24-i kúni Ózbekstannyń Samarqan qalasyna jumys saparymen bardy dep habarlaıdy «Qamshy» portaly Qyrǵyz prezıdenti saıtyna silteme jasap. Ózbekstan prezıdenti bolyp saılanǵannan keıin Ózbekstanǵa alǵashqy shetel basshy bolyp Qyrǵyzstan prezıdenti Almazbek Atambaev keldi.
Qyrǵyzstan prezıdenti Almazbek Atambaev Ózbekstanǵa jumys sapary barysynda osy eldiń alǵashqy prezıdenti Islam Kárimovtyń zıratyna da bardy.
Samarqandta ótken kelissózder barysynda Ózbekstan men Qyrǵyzstan prezıdentteri ekijaqty kelisim máselelerin talqylady. Kezdesý barysynda Mırzıóev Ózbekstan men Qyrǵyzstan arasyndaǵy baılanystardy nyǵaıtý qajettilikterin atap ótti. Sonymen qatar Ózbekstan prezıdenti eki eldiń saýda-ekonomıkalyq kelisim múmkindikteriniń zor ekenin aıtty.
Óz kezeginde Atambaev Ózbekstan men Qyrǵyzstan tarıhy ortaq elder ekenin jetkizdi.
Aıta ketsek, Islam Karımovtiń qazasynan keıin ózbek eli basshylyǵyna kelgen Mırzıóev qyrǵyz delegattarymen kezdesý ótkizip, shırek ǵasyr boıy sheshilmeı kele jatqan shekara daýynyń birazyn sheshken edi.
Mırzıóev 4 jeltoqsan kúni ótken saılaýda basym daýyspen jeńiske jetip, Táýelsiz Ózbekstannyń prezıdenti bolyp saılandy. Aldyn ala boljam boıynsha alǵashqy resmı saparyn Qazaqstanǵa, Reseıge jasaýy múmkin.
