Máýlitbek Qaptaǵaı

Naızaǵaıdaı jaryq etip, jetti mine aqboz at , 
Áppaq onyń júregi aıdyn kólge tap bola. 
 Aımańdaıy qalǵan- aý teńizdiń arǵy
Shetinde , 
Janaryna áp- sátte jan sezgisiz jas tola...
Sharasyzdyq sháılátip tolqyndy kórip toqtady, 
 Oryndalmaı qaıtama aqboz attyń jospary. 
 Qaıshylaıdy qulaǵyn aımańdaıyn kórgendeı, 
Telmireme teńizge kelerdeı bolyp tosqany. 
 Tolqyndy boılap tulparyń jaǵada mine tur áli, 
 Degbirsizdikti burqatyp jer tarpyǵan tuıaǵy. 
 Teńizdiń jeli jelpıdi-aq aımańdaıdyń burymyn , 
Qos janary kórdi ony qyran qustaı qyraǵy. 
 Aq boz attyń armany tym alysta belgili, 
Tolqyndy kesý eń durys talǵamy edi endigi . 
 Kóz jetpeıdi biraqta teńizdiń arǵy shetine , 
Tyqyrshytyp tulpardy kúızeltedi sherlini . 
 Aqboz atqa turǵan joq qaharly bolyp tolqynyń , 
Qorqatyny tek onyń ala almaı jatyr jol syryn . 
 Aımańdaıǵa jetedi asyqpaı alla jol berse , 
Shaba bersin toqtamaı , jaza bersin qoltyǵyn . 
 . . . Jaǵasyna teńizdiń taǵy keldi aqboz at , 
Alaýlaǵan syrlaryn tolqynmen ashyp jatty alap . 
 Aımańdaıǵa aıtar alǵashqy kóńilindegi bir sózin , 
Jibergisi keledi aq kepterden hatqa orap . 
 Dármensiz endi aqboz at aldyǵa qaraı júrýge , 
Amalsyz qaıtty artyna shalynyp aıaq súrine . 
 Aıta almaı ketken armanyn kúnderdiń kúni bolǵanda , 
Jańbyr shaıyp áketer teńizdiń tupsyz túbine .

daıyndaǵan: Bulǵyn Sýsar