...Deı me qytaı: «kúń etem!»,

Deı me orys: «pul etem!»,

Qazaq atyn shyǵaryp,

Baısyraǵan kim eken?..

Ómir bizde «jaısyz» ba?

Tek qytaıǵa saısyz ba?

«Jezókshe me», «arsyz ba?»

Álde shyny, baısyz ba?

Kim qorlaǵan Qazaqty?

Kim qorlatqan Qazaqty?

Shyny, Qazaq qyzy ma?

Kim kórsetken mazaqty?

Qytaı ma anaý, tórde kim?

Qazaq pa anaý, kórde kim?

Buny estip, kórgenshe,

Artyq pa edi ólgenim!

Bul shyny ma, quqaı ma?

Las pa anaýy, «byqaı» ma?

Búkil ultty jer qyldy-aý,

Tımek bolǵan qytaıǵa...

Olar, shyny soqyr ma?

Álde qaldyq, qoqyr ma?

Bizdiń ana qul bılik,

Túk kórmes bop otyr ma?

Baıǵa kimi barady?

Baısyz kimi qalady?

Qazaq qyzyn saýdaǵa,

Orys nege salady?..

Sýyq ótti deneden,

Bir pende joq elegen.

Kim kóringen basynǵan,

Sorly ult boldyq ne degen?

Kógimdi bult torlaıdy,

Qandaı zaman ornaıdy?

Baı izdegen baıǵustar,

Nege ultymdy qorlaıdy?

«Syılyǵynyń» tosyny-aı,

«Qytaı kúıeý», osy ma aı?..

Kóringenge mazaq bop,

Ótemiz be osylaı?..

Sóz súıekten ótip tur,

Anaý ne dep kókip tur?

Sonymenen, aıtshy, ultym,

Kimnen uıat ketip tur?..

Jumash Kókbóri,

12.01.2017 jyl.