38 jastaǵy er adamdy eki kámeletke jasqa tolmaǵan qyzdardy zorlamaq bolǵan jerinen polıseıler ustap alǵan dep habarlaıdy indiatimes.com. Tergeý barysynda qylmysker 13 jyl boıy 500 qyzdy zorlaǵanyn moıyndady.

Pedofıl Sýnıl Rastogı 2500 kámelet jasqa tolmaǵan qyzǵa shabýyl jasamaq bolǵany da belgili boldy. Ol 2006 jyly 6 aıǵa túrmege jatyp shyqqan.

Úndistan polısıasynyń málimetinshe Sýnıl Rastogı kóbine Delı qalasynda mektepten úıine qaıtyp  bara jatqan qyzdardy ańdyǵan.

Sýnıl Rastogı Delıdiń shyǵysynda ornalasqan atelede jumys istegen. 2004 jyly pedofıl kórshiniń qyzyn zorlamaq bolǵan. Alaıda, adamdar der kezinde kelip, ol aram pıǵyldy áreketin júzege asyra almaǵan. Osy oqıǵadan keıin Sýnıl Rastogı turǵylyqty jerin tastap, qashýǵa májbúr boldy.

9 jáne 10 jastaǵy qyzdar sabaqtan keıin úıine qaıtyp bara jatqan jerinen olardy Rastogı ustaýǵa áreket jasaǵan. Alaıda qyzdar shý shyǵaryp, halyqtyń nazaryn ózderine aýdaryp aman qaldy.  Halyq polısıa shaqyryp, jergilikti polısıa qylmyskerdi ustady.