Azamattarǵa arnalǵan úkimet qazaqstandyqtardyń ýaqytyn únemdeıtin kezekti pılottyq jobany bastady. Búginnen bastap, jas analar bala týýyna baılanysty jáne  onyń bir jasqa deıingi kútimine járdemaqyny bir oblys ishinde tirkeýine qaramastan resimdeýine bolady, dep habarlaıdy BNews.kz.

Esterińizge túsire ketsek, ótken jyldyń qyrkúıek aıynan bastap «Azamattarǵa arnalǵan úkimet» memlekettik korporasıasy pılottyq jobany iske qosqan bolatyn. Onyń aıasynda korporasıa qyzmetkerleri  perzenthana ǵımarattarynda birden 4 birdeı qyzmet kórsetýge ótinish qabyldaı alatyn. Bul qyzmetter: bala týýyn tirkeý, bala týýyna jáne ony bir jasqa deıin kútýge járdemaqy taǵaıyndaý, áleýmettik táýekelder jaǵdaıyna áleýmettik tólemder taǵaıyndaý: bir jasqa tolǵanǵa deıingi ýaqytta bala kútimine baılanysty kirisinen aıyrylý, balalardy mektepke deıingi mekemelerge kezekke qoıý. Búgingi kúnde bul jobaǵa  QR boıynsha 206 perzenthana men perınataldyq ortalyqtar jumyldyrylǵan.

«Azamattarǵa arnalǵan úkimet» memlekettik korporasıasy» KE AQ basqarma tóraǵasy Danıar Erenchınovtiń aıtýynsha bala týýymen baılanysty perzenthanalarda kórsetiletin kompozıttik qyzmetter pılotyn memlekettik korporasıa ótken jyldyń qyrkúıek aıynan bastap testiledi. Bul rette, járdemaqylardy taǵaıyndaýda qujattardy qabyldaý barysynda eń problemalyq másele eksaýmaqtyq qaǵıdattyń bolmaýy bolyp shyqty, ıaǵnı azamattar járdemaqy taǵaıyndaýǵa tek turaqty tirkelgen jerinen ǵana ótinish berýlerine bolatyn boldy.

«Basqasha aıtqanda, buryn, eger áıel Býrabaıda turǵylyqty mekenjaıy boıynsha tirkelgen bolyp,  al Kókshetaý qalasynyń perınataldyq ortalyǵynda bosanǵan bolsa, ol járdemaqy taǵaıyndaý úshin tirkelgen jeri boıynsha, ıaǵnı Býrabaıdaǵy HQKO-ǵa júginýine týra keletin. Biz bul máseleni sheshtik jáne  bala týýyna baılanysty jáne  onyń bir jasqa deıingi kútimine járdemaqy taǵaıyndaýǵa ótinish qabyldaýda eksaýmaqtyq qaǵıdatty qoldaný mehanızmin ázirledik.  Bastapqyda pılottyq joba tek oblys ishinde ǵana jumys isteıtin bolady, al jaqyn arada eksaýmaqtyqty barlyq Qazaqstan boıynsha iske qosýdy josparlap otyrmyz», - dedi Erenchınov.

Sondaı-aq, Erenchınovtiń aıtýynsha, balalarǵa járdemaqy taǵaıyndaýdy rásimdeý úshin eksaýmaqtyq qaǵıdatty engizý – memlekettik qyzmetterdi alýdy jeńildetýdiń kezekti qadamy, sebebi, bul 4 birdeı qyzmetti alý úshin qazaqstandyqtarǵa qujattardyń mınımaldy toptamasy qajet:

 – ata-ananyń jeke basyn kýálandyratyn qujat, neke qıý týraly kýálik jáne onyń kóshirmesi (Qazaqstan Respýblıkasynyń aýmaǵynda  2008 jyldan soń neke qıǵan azamattar kýáliktiń kóshirmesin bermeıdi);

– balanyń týýy týraly medısınalyq kýálik (perzenthanada beriledi),

– barlyq balalardyń týýy týraly kýálikteri nemese ahýaldyq jazbalardyń kóshirmesi,

– banktik shottyń nómiri jaıly qujat.

Pılottyq jobany iske qosqan sátten bastap «Azamattarǵa arnalǵan úkimet» memlekettik korporasıasy perzenthanalar men perınataldyq ortalyqtardy júz myńnan astam qyzmet kórsetkendigin aıta ketý kerek.