Almatynyń Keńsaı zıratynda erekshe qulpytas ornatyldy, dep habarlaıdy «KazINFO Today» tilshisi. Mansabynyń sharyqtaý jolynda ómiri qaıǵyly jaǵdaımen aıaqtalǵan talantty iOS-ázirleýshi, jas ǵalym Zańǵar Orynbetovtyń zıratynda aıfon túrindegi qulpytas qoıyldy.

Zańǵar 23 jasta edi, biraq ol joǵarǵy oqý ornynyń eki dıplomyn alyp úlgerdi, Apple-dy qatty jaqsy kórgen eken. Onyń áleýmettik jelidegi jazbasynyń kóbisi dál osy ónimge arnalǵan. Qaıtys bolarǵa deıin úsh aı qalǵanda onyń ómirindegi basty armandarynyń biri oryndaldy – «Alma patshasy» Tım Kýkpen kezdesti.

Zańǵar Orynbetovtyń sońǵy jobalarynyń biri – iPhone men iPad-qa arnalǵan ıntellektýaldy qazaqsha pernetaqta boldy. Ol qoldanýshynyń neni jazatynyn bilip, qateni aldyn-ala túzetetin baǵdarlama. Taldyqorǵanda ótken ınovasıalyq jobalardyń baıqaýynda osy jobasyn usynǵan ol bas júldeni jeńip alyp, oblys ákiminen 5 mıllıon teńge kóleminde grant utyp alady. Ókinishke qaraı, jas ǵalymnyń mezgilsiz qazasyna baılanysty App Store-dyń pernetaqtasy sol kúıi paıda bolmady.