Astanada qytaı dókeılerine qyz izdegen neke agenttiginiń dırektory qorqytyp-úrkitý mánindegi hattardyń túsip jatqanyna baılanysty quqyq qorǵaý organdaryna aryz jazdy dep habarlaıdy tengrinews.kz. Bul týraly tolyǵyraq dırektor Tatána Logvınenko aıtyp berdi.
"Qorqytyp-úrkitý deregi boıynsha Beıbitshilik 19 mekenjaıyndaǵy İİD-ge aryz jazdym", - dedi Gimeney neke agenttiginiń dırektory Tatána Logvınenko.
"Maǵan áıelderdi saýdalap jatsyń dep tıisti. Al osy kúnderi biz klıentterimizden qoldaý kórip otyrmyz, olar habarlasyp, kómek qolyn sozamyz dep jatyr. Neke agenttigimizdiń negizgi maqsaty - adamdardy baqytty etý. Onyń ulty qandaı bolatyny mańyzdy emes. Áıel sheteldikke turmysqa shyqqysy kelse - oǵan eshkim tyıym sala almaıdy. Baqytty bolyp, bala súıgisi kelse - bul onyń jeke sharýasy. Bul joba qazaqtar úshin emes, qazaqstandyqtar úshin. Bul jobaǵa orystar da, belorýster de, uıǵyrlar da, tatar qyzdary da qatysady, tek qazaq qyzdary emes. Qalaǵan adam qatysady", - dedi neke agenttiginiń ókilderi.
Agenttiktegiler elordada kúıeýbala az deıdi.
"Ótkir másele bul. Astanada bir er adamǵa segiz qyzdan keledi. Al endi áıelderimiz ne isteýi kerek? 37-45 jastaǵylar qaıtedi? Olar turmysqa shyqpaǵan, bala súımegen. Al bizdiń qoǵam 40-tan asqandardy qoqysqa tastap jatyr. Klıentterimiz ár túrli, jastary 32-den 55-ke deıin barady. Qytaımen qatar, Batys Eýropa elderiniń agenttikterimen jumys isteımiz. Buǵan baılanysty eshkim de narazy bolmaǵan", - dedi Logvınenko.
Aıta keteıik, Prokýratýranyń málimetinshe, 11 qańtarda shamamen saǵat 11.30-da Respýblıka, 42 mekenjaıynda ornalasqan "Indıra ı K" bıznes ortalyǵynyń jeke terıtorıasynda 20 adam jınalyp, GIMENEY agenttiginiń qyzmetine narazylyq bildirgen. "Osy derek boıynsha, ishki ister organdary men prokýratýra qyzmetkerleri oqıǵa ornyna bardy. Bıznes-ortalyqtyń basshylyǵynan shaǵym men ótinish túspegendikten, quqyq qorǵaý organdarynyń ókilderi alda bolýy múmkin zańbuzýshylyqtardyń aldyn alý boıynsha shara júrgizdi", - delingen habarlamada.
Oqıǵa ornynda aýdandyq prokýratýra túsindirý jumystaryn júrgizgennen keıin narazylyq tanytýshylarǵa kompanıanyń keńsesine kirý usynylǵan. Sóıtip, agenttik basshysymen baspasóz máslıhaty ótkizildi. Máslıhat aıaqtalǵannan keıin jınalǵandar tarap ketken.
"Astana ákimdigine osy másele boıynsha narazylyq aksıasyn uıymdastyrý boıynsha ótinish kelip túspegenin qosymsha habarlaımyz", - dep atap ótti prokýratýra ókilderi.
Eske salaıyq, qazaqstandyqtar Beıjińnen keledi delingen dókeı qytaılarǵa qazaqstandyq qalyńdyqtardy jınaý týraly habarlandyrýǵa narazy bolǵan edi. Osyndaı mazmundaǵy habarlama Facebook áleýmettik jelisindegi "Doska obávlenıı Almaty, Astana" pablıginde jarıalanǵan. Habarlamada Beıjińnen kelgen dókeı jigitter toby qazaqstandyq qyzdar men shynaıy qarym-qatynas qurý úshin kele jatqany aıtylady.
