Almatylyqtar Bishkekte  Boeing 747 ushaǵynyń qulaýyna baılanysty zardap shekken adamdarǵa kómek kórsetý úshin gýmanıtarlyq kómek jınaıdy, dep habarlaıdy Tengrinews.kz. tilshisi.

İs-sharanyń bastamashysy «Men almatylyqpyn» qoǵamdyq birlestigi. Atap aıtqanda, onyń basshysy Konstantın Avershın. «23 úı qıratyldy, adamdar men balalar zardap shekti. Biz zardap shekken aǵaıyndarǵa kómek qolyn sozaıyq dep sheshtik. Jyly kıimder, konserviler, jarmalar, makaron ónimderi, pamperster, jeke gıgıena zattary, kórpeler kerek», – dep jazdy Instagram paraqshasynda.  
Ál-Farabı men Dostyq dańǵyldarynyń qıylysynda ornalasqan «Rıts Palas» oıyn-saýyq ortalyǵynda zattardy qabyldaımyz. Jınaý 16 qańtardyń 15.00 den 19.00-ge deıin, 17 qańtar kúni tańerteńnen 19.00-ge deıin qabyldanady. Sondaı-aq, «Rıts Palastyń» qaýipsizdik ınspektorynyń: +77713003442 (Bolat) jáne «Men almatylyqpyn» birlestigine jaýapty +77016112868 (Arman) baılanysý nómirleri berilgen.

«Biz Bishkekke habarlastyq. Ol jaqta eń aldymen jyly kıimder men konservilengen ónimder kerek ekenin aıtty. Kıimder jańa nemese jaqsy jaǵdaıda bolsa eken degen úlken ótinish aıtamyn. Óıtkeni biz Qaraǵandy oblysyna kıim jınaǵanymyzda, kóbisi eski bolyp shyqty. Biz kórshi elge kómek bereıin dep jatyrmyz, sondyqtan jańa kıimderdi alyp kelgenderińiz abzal bolatyn edi, – dedi Avershın Tengrinews.kz tilshisimen telefon arqyly sóılesý barysynda.