Az qımyldaıtyn egde jastaǵy áıelder ómiriniń 8 jylyn joǵaltady dep habarlaıdy lenta.ru. Mundaı qorytyndyny San-Dıegodaǵy Kalıfornıa ýnıversıteti Medısına mektebiniń ǵalymdary jasady.

Zertteýge 64-ten 95 jas aralyǵyndaǵy 1500 áıel qatysty. Olardyń oń jambasyna akselerometr ornatyldy. Ol arqyly zertteýge qatysyp jatqan áıeldiń fızıkalyq belsendiligin 7 kún boıy baqylaıdy. Akselerometr kúndiz de, túndede jumys isteıdi. Odan keıin ǵalymdar adamnyń qartaıýýyna baılanysty telomerler – hromosomalardyń sońǵy bólshekteriniń uzyndyǵyn ólshedi.

Kúnine 30 mınýt bolsa da fızıkalyq jattyǵý jasaıtyn áıelderdiń telomerleri az qımyldaıtyn áıelderge qaraǵanda uzynyraq ekeni belgili boldy. Iaǵnı sońǵylary tez qartaıady. Belsendi emes ómir salty rak jáne  qant dıabeti sekildi aýrýlarǵa shaldyǵý qaterin ulǵaıtady.

Telomerler qaıtalanatyn retti DNQ-lardan turady. Olar kóbeıetin hromosomolardy zaqymdanýynan qorǵaıdy. Alaıda árbir bólis kezinde kletkalar qysqarady. Bul proses qartaıýmen baılanysty júredi. Telomerleri qysqa kletkalar óz qyzmetin atqara almaı nátıjesinde óledi.