Pavlodarlyq úsh azamat jalǵan sot sheshimderin qoldan jasaýmen aınalysqan dep habarlaıdy 24.kz.
Qylmystyq joldy kásip etken erli-zaıyptylar bul iske zeınet jasyndaǵy anasyn da tartqan. Olar jalǵan qujattardy memlekettik mekemelerge zańsyz tirkeý arqyly ózge adamdardyń páterin satýǵa qol jetkizgen. Alaıda kezekti bir qylmys kezinde aldanǵan adam qujattardyń zańsyz ekenin bilip qoıǵan. Ol qorǵaýshylar men zańgerlerdiń kómegi arqyly múlkin keri qaıtaryp aldy. Qazir alaıaqtardyń isi sotta qaralyp jatyr.
Gúlsim Ahtaeva, qalalyq №2 sottyń bas mamany:
- Sotqa tartylǵan 3 adam. Bir-birimen týys. Olar sot sheshimi bar jalǵan qujattar daıyndap, bógde bireýlerdiń páterlerin óz attaryna aýdaryp satýmen aınalysqan. Jalǵan qujatty kim jasaǵany, qalaı jasaǵany belgisiz. Sot sheshimi áli shyqqan joq.
