Shvesıada úsh er adam Ýppsala turǵynyn zorlady degen kúdikpen ustaldy. Barlyǵy Facebook arqyly tikeleı efırden kórsetilgen.
Tań erteń Ýppsala qalasynyń polısıasyna áıel habarlasty. Ol Facebook-tegi jabyq toptan qyzdy toppen zorlaǵanyn kórgenin aıtqan. Onyń sózinshe er adam kúlip, áıelge «Sen zorlandyń» dep aıtqan.
Polısıa qyzmetkerleri áleýmettik jelidegi jazbany tapqanyn jáne ony kóbi kórgenin aıtqan.
Belgili bolǵandaı, jabyq topta on myńdaǵan adam bar. Jergilikti polısıa Ýppsaladaǵy páterlerdiń birinde 19 ben 25 jas aralyǵyndaǵy úsh er adam men bir áıel bolǵanyn aıtty. Shvedtik BAQ habarlaǵandaı áıel estússiz jatqan.
Er adamdar birden tutqyndaldy. Shved polısıasy olardyń qaı eldiń azamattary ekenin aıtpaı otyr.
Polısıany Iozefın Lýndrgen esimdi áıel shaqyrǵany belgili boldy. Ol shvedtik Expressen baspasyna bergen suhbatynda er adamdardyń biri áıeldiń kıimin jyrtyp, ústine jatqanyn kórgenin aıtqan.
Onyń sózinshe er adamdardyń birinde tapansha boldy.
Facebook Live bir ýaqytta qansha adam translásıany qarap otyrǵanyn kórsetedi. Iozefın Lýndrgen zorlaý áreketterin 60 adam kórgenin jetkizdi. Basqa málimet boıynsha, ony baqylaǵandardyń sany 200-den tómen bolmady.
Pikir qaldyrǵandardyń arasynda «Úsheýi bireýine qarsy, hahaha» degenderi de bar.
Taǵy bir kýáger shved baspasózine ekinshi beıne materıalda dál sol áıeldiń onyń eshkim zorlamaǵanyn aıtqanyn kórgenin jetkizdi.
SVT memlekettik shved telearnasy páterge kelgende, er adamdar ekinshi vıdeony túsirýdi bastaǵan.
Tikeleı efırdegi qylmys
Facebook 2015 jyldan bastap tikeleı efırge shyǵýǵa múmkindik berdi. Bul fýnksıany kóbine jańalyqtar qyzmeti paıdalanady. Facebook Live-ti dostar men tanystar bir-birimen baılanys ustaýǵa jáne dál sol ýaqytta qyzyqty dep tapqan dúnıelerimen keń aýdıtorıamen bóliskisi kelgende qoldanady.
Osy fýnksıanyń arqasynda ǵalamtorda qylmys pen zorlyq áreketteri shyǵa bastady.
Qańtar aıynyń basynda Chıkagodaǵy 4 adamǵa jekkórinish negizinde qylmys jasady degen aıyp taǵyldy. Olar Facebook-ta psıhologıalyq aýrýǵa shaldyqqan adamǵa qorlyq kórsetken.
2016 jyldyń maýsym aıynda Chıkagolyq Antonıo Perkınsti Facebook-te tikeleı efırde atyp tastaǵan.
Facebook Live-te 2016 jyldyń shilde aıynda Mınnesota shtaty Sent-Pol qalasynda polıseıler adamdardy atyp tastaǵanyn kórsetken. Osydan keıin kompanıa tikeleı efırdi basqa kontentter sekildi qarastyratynyn habarlady.
Facebook ókilderiniń sózinshe zorlyq áreketteri jarıalanǵany úshin kontentti óshirmeıtinin jáne zorlyq nasıhattalyp, qurbandardy qorlaǵanda ǵana toqtatatynyn jetkizdi.
Facebook kúmándi kontentterdi arnaıy, táýlik boıy jumys isteıtin topqa habarlap aıtý kerek ekenin málimdedi. Ol kompanıanyń redaksıalyq erejesine caı kelmegen jaǵdaıda tikeleı translásıany úzetinin habarlady.
Alaıda áleýmettik jeli qoldanýshylary Chıkagodaǵy translásıa jarty saǵatqa sozylǵanyn aıtady. Facebook ákimshiligi efırdi toqtatqanǵa deıin ony myńdaǵan adam kórgen.
