Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov memlekettik qyzmetkerlerdiń kıimi kópshilik maquldaǵan iskerlik stılge sáıkes bolýy kerektigin málimdedi.

Memlekettik qyzmetker jumysqa oramal taǵyp barý týraly suraǵyn egov.kz saıty arqyly Agenttik tóraǵasyna joldaǵan.

«Jumysymdaǵy basshylyq memlekettik qyzmette oramal túrindegi bas kıimdi kıýge qarsy. Ózim resmı stılde kıinemin. Basshylardyń oramalyma qatysty narazylyǵy qanshalyqty zańdy? Eger basshylyqtyń talaby zańdy bolsa, ol QR qaı zańynda kórsetilgen? Memlekettik qyzmetke oramal kedergi bola ala ma?» dep suraq joldady memlekettik qyzmetker.

Oǵan Agenttik basshysy bylaı dep jaýap berdi: «Etnıkalyq kodekske saı, memlekettik qyzmetkerdiń qyzmet babyndaǵy syrtqy kelbeti memlekettik apparattyń abyroıyn joǵarlatýy kerek. Kópshilik maquldaǵan iskerlik stılge sáıkes bolýy qajet. Ol resmı, salmaqty jáne jınaqy bolǵany abzal. Agenttik memlekettik qyzmetkerlerdiń kıimi týrasynda tarqatyp jazǵan usynysyn daıyndaǵan. Odan memlekettik qyzmetkerdiń kıimi týrasynda anyǵyraq bile alasyz. Atalmysh usynysta oramal túrindegi bas kıim qarastyrylmaǵan».