Jambyl oblysynda qarshadaı qos qyzǵa azǵyndyq áreket jasaǵan azamat on jeti jylǵa sottaldy. Onyń bes jyl boıy jan dosynyń egiz qyzdaryna úsh jasynan bastap aıtýǵa aýyz barmaıtyn arsyz qylyq jasap kelgeni dáleldendi dep habarlaıdy 31.kz
Nápsiqumar kishkentaı qyzdarǵa jynys múshesin ustatyp, tipti súıgizýge deıin barǵan. Udaıy beıádep beınerolıkter kórsetip, egiz qyzdy bes jyl boıy qorlap kelgen. Keıin anasy, aralasyp júrgen joldastarynyń arasynda Maqajan Tóleevtiń azǵyn ekenin bilip qalǵan. Sondyqtan 46 jastaǵy dosyna dereý aýyldan kóshýdi talap etipti. Biraq kórshisi aýyldan ketýi bylaı tursyn, araǵa aı ótpeı azǵyn áreketine qaıta barǵan. Osylaısha byltyr qyrkúıekte qamaýǵa alynǵan ol seksýaldyq sıpattaǵy áreketi úshin 17 jylyn qatań rejımdegi kolonıada ótkizedi. Aıta keteıik, sottalýshynyń áıeli men úsh balasy bar.
AIGÚL MÁLİKOVA, Sýdıa:
- Úıinde anasy da, ákesi de bilmegen. Jaqyn dostar aralasyp júrgen. Bir-birine qonaqqa barǵan, sonda eki kishkentaı qyzdy ustap alyp, osyndaı áreketter jasap otyrǵan. Nápsiqumarlyq sıpatta jáne azǵyndyq áreketter boıynsha eki bappen tartylyp otyr.Onyń kóligi de memleket kirisine ótkerildi, óıtkeni bul áreketter avtokólikte de bolǵan.
