Ýnıversıada-2017 dıreksıasynyń qyzmetkeri 33 jastaǵy Baýyrjan Rafıkov qaıtys boldy, - dep habarlaıdy tengrinews.kz. 

Nurovtyń aıtýynsha, qaıǵyly oqıǵa 31 qańtarda "Suńqar" halyqaralyq shańǵy tramplınderi kesheninde bolǵan. "Bizdiń qyzmetkerler jumys kúninen keıin jertólede boldy. Birde olardyń bireýiniń jaǵdaıy nasharlap ketti. Sodan qasyndaǵy qyzmetkerler jedel shtabta kezekshi bolǵan medısınalyq qyzmetkerdi shaqyrdy. Ol alǵashqy járdem kórsetti. Reanımobıldi de shaqyrttyq, ol 7 mınýttan soń keldi", - dedi Nurov.

Onyń aıtýynsha, qyzmetkerge 40 mınýt boıy reanımasıalyq kómek kórsetildi. Ókinishke qaraı, ol esh nátıjesin bermedi. "Oqıǵa ornyna İİD qyzmetkerleri, prokýratýradaǵylar, Almaty qalasynyń basshylyǵy keldi. Aldyn ala málimet boıynsha, qyzmetkerimizdiń ólimine júrek jetispeýshiligi sebep boldy", - dedi ol.

Sondaı-aq, Nurov qaıtys bolǵan er adamnyń Dıreksıada bir aıǵa taıaý jumys istegenin aıtty. "Ne degenmen biz ony komandamyzdyń múshesi dep sanaımyz. Qyzmetkerimizdi jerleý rásimine qajetti shyǵyndy moınymyzǵa alamyz. Onyń artynda egde jastaǵy anasy, áıeli jáne eki balasy qaldy", - dedi Naıl Nurov.