Ýnıversıada eriktileriniń biriniń anasy tamaqqa baılanysty aryzdanypty. Eriktiler kúnine 12 saǵat jumys isteıdi. Kóbisi stýdentter. Olar ýnıversıadanyń joǵary deńgeıde ótkizilýine memleketke kómektesip júr. Tipti keıbiri túnge deıin qalyp jumys jasap, uıyqtaýǵa ǵana úıine barady. Eriktiniń anasynyń aıtýynsha, negizgi jumys taza aýada, taý jaqta ótedi. Endeshe memleketke tegin qyzmetin usynyp júrgen eriktilerge qandaı tamaq beriletindigin kóreıik.

Ananyń aıtýynsha, muny jeý múmkin emes. «Ulym tamaqty úıden alyp ketedi. Men oǵan daıyndap qoıamyn. Alaıda úılerinen tamaq ákelýge múmkindigi joq qyz-jigitter de barshylyq. Sondaıda meniń ulym dostarymmen bólisedi» deıdi ol.

Áıeldiń shaǵymyna ýnıversıada uıymdastyrýshylary birden jaýap berýge asyqty. Bergen jaýaptary mynandaı:

«Jumys kúni segiz saǵattan turady. Keıde on saǵatqa deıin sozylýy múmkin. Eriktilerge aldyn-ala bári eskertiledi. Olar úshin bir rettik tegin tamaq qarastyrylǵan. Segiz saǵattyq jumys kúni úshin bul qalypty. Tamaqty lanch-boksqa salyp beremiz. İshinde mindetti túrde bolýy qajet: salat (150 gram), et qosylǵan ystyq tamaq (150 gram), garnır (150 gram). Sonymen qatar eriktilerge aqysyz túrde ystyq sýsyn, kámpıt jáne pechene beriledi. Tamaqpen merdiger aınalysyp jatyr. Eger normaǵa saı emes jaǵdaı anyqtalǵan kúnde mindetti túrde shara qoldanylady».

Aıta keterligi, ýnıversıada dep talmaı eńbek etip júrgen eriktilerdiń sany 3000.

Ilá Korolevtiń jeke blogynan