Atyraýda oblystyq prokýratýra ǵımaratynyń aldynda oblys prokýrorynyń burynǵy kómekshisi Leıla Smadıarova ózin-ózi órtedi dep habaralaıdy "Aq Jaıyq".
Derekkózdiń málimetinshe, oqıǵa 31 qańtarda túski ýaqytta bolǵan. 37 jastaǵy Smadıarova oblystyq aýrýhanaǵa bet jáne aıaq kúıigimen túsken. Dárigerler onyń jaǵdaıyn "aýyr emes" dep baǵalap otyr. Ol esin biledi. "Eshkimmen sóıleskisi kelmeı otyrǵan naýqastyń moraldyq jaǵdaıyn esepke ala otyryp, biz ony ýaqytsha oqshaýladyq", - dedi oblystyq aýrýhananyń bas dárigeriniń orynbasary Alýadın Nurberdıev.
Eske salaıyq, Atyraý oblysy prokýrorynyń burynǵy kómekshisi 2016 jyldyń tamyzynan beri úıqamaqta bolǵan. Ol ustalǵandardyń, qamaýǵa alynǵandardyń jáne qylmystyq jaza ótep jatqandardyń quqyqtaryn saqtaý salasynda jumys istegen. Ol QR Qylmystyq kodeksiniń 366-babynda ("Para alý") qarastyrylǵan qylmys jasady degen kúdikke ilingen. Smadıarova ózine taǵylǵan aıyptarmen kelispeı, jala jabyldy deıdi.
