Shyǵys Qazaqstannyń Tarbaǵataı aýdanynyń turǵyny bir dorba altyn taýyp aldym dep arnamyzǵa habarlasty deıdi 31 arna.. Shalqar Saǵadıev Qyzylkesik aýylynyń mańyndaǵy Qýbas asýynda kóligi buzylyp, tas izdep taýǵa shyǵady. Sol sátte jol jıeginen 100 metr qashyqtyqta eski kenep qap ishinen belgisiz zat tabylǵan.

Shalqar Saǵadıev, Ekpin aýylynyń turǵyny:

- Codan tas izdep tóbege shyǵyp ketkenmin. Jartastyń túbinen bir móshek taýyp aldym. İshin ashyp qarasam, quıylǵan eki zat. Sap-sary. Tas sıaqty qattylaý. Shıfry, jazýy bar syrtynda.

Qaptyń ishinen tary tektes usaq jáne pishindelgen qalyby bar mynandaı zattar shyqqan. Sonymen qatar 1968 jyly basylǵan "Ýralskıı rabochıı" gazetiniń keıbir danalary bar. Azamat jedel jaqyn mańdaǵy eldi mekenniń ýchaskelik polısıasyna habarlap, altyn dep oılaǵan zatty saraptamadan ótkizý úshin tabystap beredi. Bir qyzyǵy, aýdandyq ishki ister bólimi mundaı jaıttyń tirkelmegenin aıtyp otyr. Iaǵnı, saraptama jasalmaǵan. Al sılındr formaly zattyń syrtqy kórinisin qaraǵan mamandar metal quımalaryn bylaısha boıaýmen tańbalaý sırek kezdesedi deıdi. Aıtýlarynsha mıneraldyń bir túri bolýy yqtımal.