Almaty qalasynda 8 naýryz merekesin syltaý qylǵan bir top femınıst alańǵa shyqty dep habarlaıdy «Qamshy» portaly «Qasymǵa» silteme jasaı otyryp. «Ia ne hochý boıatsá mýjchın», «Soblúdenıe prav ı bezopasnostv jenskıh kolonıah», «Jenshına nıkomý nıchego ne doljna» uranyn kótergen qyz-kelinshekter eldegi zorlyq-zombylyqty jáne bir jynystylardy kemsitýdi toqtatýdy talap etken.

Alańǵa shyqqan belsendilerdiń aıtýynsha, sońǵy jyldary Qazaqstanda otbasylyq zorlyq-zombylyqtyń úles salmaǵy artyp ketken. 

«Sońǵy jyldary 8 naýryz gúlder men náziktiktiń merekesine aınaldy. Jurt áıel adamdar únemi názik ári sulý bolýy kerek deıdi. Biz bul dástúrdi buzyp, 8 naýryzdyń shynaıy mánin qalpyna keltirgimiz keledi. Iaǵnı áıelder erkektermen teń bolýy kerek. Áıelder jumysta, kóshede, qoǵamda erlermen birdeı tańdaı jasaı alýy tıis. Er men áıel dep bólinýge qarsymyz. Bizdiń elde bul úderis kenjelep qaldy, – deıdi sherýshiler.

Olardyń aıtýynsha, áıel adam bala týýǵa mindetti emes. Bul árkimniń óz tańdaýy. 

Aıta ketý kerek, sherý barysynda tártip buzýshylyqtar oryn almaǵan. Quqyq qorǵaýshylar tarapynan eskertý de aıtylmaǵan.