Úılený toılarynan keıin 6 apta ótken soń Peggıdiń kúıeýi iz-tússiz joǵalyp ketedi. 70 jyldan keıin áıeli shyndyqqa kóz jetkizedi...
Olar 1944 jyly Amerıkanyń Tehas shtatynda tanysty. Úrimdeı jas arý Peggı 22 jasar ushqysh Bıllı Harrısqa bir kórgennen ǵashyq bolady. Ǵashyqtardyń sezimi úlken mahabbatqa ulasyp, eki jas úılenedi. Alaıda, baqyttary uzaqqa sozylmady. 6 aptadan soń Bıllıge maıdannan shaqyrtý keledi. Jańa otaý qurǵan jas jigit Fransıaǵa júzip ketedi. Bul olardyń sońǵy júzdesýleri edi. Jigit sol ketkennen qaıtyp kelmedi.
Ushqysh qandaı jaǵdaıǵa tap bolǵanynan áskerı jasaq ta beıhabar boldy. Peggı qaıǵydan qan jutty, sebebi, kúıeýiniń óli-tirisi belgisiz edi. Óldi degenge sengisi kelmedi.
Araǵa 70 jyl salyp Peggıdiń týystary áskerı muraǵattan Bıllı jaıynda jazba taýyp alady. Bul jańalyqtan soń Peggı Fransıaǵa jol tartady.
Muraǵatta kórsetilgendeı, Bıllı otyrǵan ushaq Les Ventes qalasynyń mańynda apatqa ushyraǵan eken. Ushqysh ta qaza taýyp, sol mańǵa jerlengen. Alaıda, Peggıdi máıit basynda erekshe tosyn syı kútip tur edi.
Les Ventes atty kishigirim qalashyqta Bıllı Harrıson batyr ǵana emes, jastardyń esinde úlgi bolatyndaı qaısar ári batyl azamat retinde saqtalyp qaldy. Tipti, bas kósheni kúıeýiniń esimimen ataǵan eken. Máıiti gúlderge tolyp tur. Osylaısha, qarapaıym amerıkalyq ushqysh Fransıanyń kishkentaı ǵana qalashyǵynyń batyry atandy, qaıtys bolǵannan keıin batyldyǵy men erligi úshin medalmen marapattaldy.
Bıllıdiń ushaǵy Les Ventes mańynda apatqa ushyrap, tómenge qaraı qulaı bastaıdy. Óziniń aman qalmasyn bilgen Bıllı ushaqtyń qala ústine qulamaýy úshin bárin isteıdi. Ózi ómirden ótse de, beıbit turǵynǵa qaýip tóndirgisi kelmegen er adam bar kúshin salyp, ushaǵyn ormanǵa qaraı baǵyttaǵan.
Kúıeýiniń qaıǵyly oqıǵasynan habardar bolǵan Peggı jyl saıyn Fransıaǵa máıit basyna kelip turady. Ol jerden apattan aman qalǵan 91-jasar Gı Sýrloýdy kezdestiredi.
Ólim aýzynda bolsa da ushaqtyń qala ústine qulamaýy úshin qolynan kelgenin istegen Bıllıdiń áreketi qala turǵyndaryn qaıran qaldyrady. Búgingi kúnge deıin onyń qaısarlyǵy el aýzynda.
Árıne, uzaq jyldar boıy shyndyqty bilmegen Peggı úshin ol jyldar aýyr tıdi. 70 jyl boıy búgingi kúndegideı baılanystyń joqtyǵynan óz kúıeýiniń qaza tapqany jaıynda beıhabar boldy. Bir erkekke kózin salmaı, óz jaryn kútýmen boldy. Bar qaıǵyǵa qaramaı, Peggı Fransıa qalashyǵynan ózine dostar tabady. Jergilikti turǵyndar eriniń erligin eskerip Peggıdi ózderine jaqyn tartty.
Derekkóz: fromlife.net
