70 jasar Bashqurtstan zeınetkeri 7 aı boıy qulaǵyna kirgen jándikpen  ómir súrgen. Zeınetker qulaǵyna kirgen qosquıryqty dárigerler 2016 jyldyń qyrkúıeginen beri shyǵara almaı júr. Bul týraly «Qamshy» portaly   life.ru-ǵa silteme jasaı otyryp habarlaıdy.

   Bashqurtstannyń Prıýtovo aýlynda baqshada jumys istep júrgen Vladımır Petrovıchtiń qulaǵyna qosquıryq kirip ketedi. Zeınetker sol sátte-aq jedel járdem shaqyrǵan. Kelgen hırýrg bir-eki saǵat boıy zeınetker qulaǵynan jándikti shyǵara almaǵan.

Qosquıryqty ártúrli tásildermen: sý quıylǵan ıne shprısimen de, qysqysh quraldarymen de shyǵarýǵa tyrysqan. Alaıda, barlyq jasalǵan tásilder nátıje bermegen.

Vladımır Petrovıchtiń aıtýyna qaraǵanda, ol óz qulaǵynyń ishine kirgen jándiktiń jybyrlaǵanyn, barlyq qımyl-qozǵalysyn sezgen. Tek qana kelesi kúni ǵana zeınetker qulaǵyna kirgen jándikti gaz arqyly óltirý múmkin boldy.

Dáriger hırýrg Vladımır Petrovıchke, qulaǵynyń ishine kirip ketken jándikti shyǵarýǵa  aýmaqtyq aýraýhana qaýqary joq ekenin jetkizdi. Sebebi, ota jasaıtyn mıkroskop joq deıdi.

Zeınetkerge Ýfa qalasyndaǵy respýblıkalyq aýrýhanaǵa barýǵa baǵyttaǵan. Alaıda, respýblıkalyq aýrýhana arnaıy ruqsatsyz ony qabyldaýdan bas tartyp otyr.

  Zeınetker jeke menshik aýrýhanadan tolyq saraptamadan, tekseristen ótken kezde, onyń qulaǵynda shirip bara jatqan dene bar ekeni anyqtalǵan. Klınıka qyzmetkerleri eger óli jándikti alyp tastamasa, zeınetker qulaǵynyń zaqymdalatyny, nátıjesinde ol tepe-teńdik saqtaı almaı qalatyn dárejege jetýi múmkin deıdi.

   Qazirgi ýaqytta Vladımır Petrovıch qulaǵyndaǵy qosquıryqpen ómir súrip jatyr. Aýdandyq aýrýhana ota jasaýǵa qaýqarsyzdyqtaryn jetkizse, respýblıkalyq aýrýhana múldem ota jasaýdan qashyp otyr. Al zeınetkerdiń ýaqyt óte kele, estý qabileti nasharlap jatyr. Búginde oń qulaǵy múlde estimeıtin hálge jetti.