Óte aýyr jaǵdaıǵa tap bolǵan jetim Aısha óz taǵdyry jaıynda baıandap berdi. Jalǵyz qalyp úırenip qalǵan qyz oqýǵa túsken soń ózine dostar taýyp, árkimnen kóńiline medeý izdedi. Sol dostarynyń arqasynda ıslamǵa kelip, Alla jolyna túsedi. Quran jattap, 5 ýaqyt namazyn úzbeı oqıtyn bolǵan.

2 jyl buryn ózine laıyqty jar izdegen arý áleýmettik jeli arqyly daǵystandyq Rasýl esimdi azamatpen tanysady. Rasýl Aıshanyń túzý jolda ekenine rıza bolyp, óziniń aqyldaryn aıtyp, bar bilgenin úıretip júrdi. Qyz jigitke qatty baýyr basyp qalady. Sóıtip eki jas úılenýge bel baılaıdy. Jigit qyzdy Daǵystanǵa alyp ketip, nekelerin qıady. Ári qaraı qyz áńgimesin bylaı jalǵaıdy:

«Daǵystanda birneshe aı turdyq. Bir qyzyǵy, ol meni birde-bir týystarymen tanystyrmaǵan. Biraq ol meniń kúıeýim ǵoı, men bárine kóndim. Eń bastysy jalǵyz emespin.

Keı kezderi Rasýl úıge qonbaýdy shyǵardy. 1-2 kúnge úıge kelip túnep ketetini bolmasa, ýaqytynyń kóbin dalada ótkizetin. Birde úıge kelip, ekeýmiz ıslam jaıynda uzaq áńgimelestik. Sóıtńp, Rasýl óziniń aqshaǵa muqtaj jıhad jolyndaǵy baýyrlary jaıynda aıta bastady.  Men Daǵystanda turǵandyqtan Rasýl meniń óz páterimdi satýǵa kóndirdi. Men kerek qujattarǵa qol qoıyp aqyry páterdi sattyq.

Men jaqsyǵa sendim, ol aqshany ózimiz úshin de jumsarmyz dep oıladym. Biraq Rasýl aqshany túgel óz baýyrlaryna berdi. Aqshanyń saýapty iske jumsalyp jatqanyn aıtyp tynyshtaldyrdy meni. Birneshe ýaqyttardan keıin bir jerge tyǵyla turýymyz kerek ekenin aıtty. Bir kúni ormandaǵy bir lashyqqa kelip, jıhad jolynda júrgen dostarymen tanystyq. Sol jerde birneshe ýaqyt kún keshtik.

 Bir kúni bir kúıeýiminiń dosy kelip, Rasýldyń endi joq ekenin aıtty. Ony óldi dedi. Birneshe kúnnen keıin dosy maǵan erekshe yqylasyn, qoldaýyn bildirip, aqyry ekeýmiz úılendik. Onyń esimi – Habıb. Alaıda, Habıbpen de jaǵdaı dál Rasýldikindeı boldy. Onyń ómirden ótkenin estidim. Sóıtip, basqa baýyry Mýsaǵa turmysqa shyqtym.

Bir ýaqytta men Rasýldyń da, Halıbtyń da tiri ekenin estip qaldym. Olar qalada kóńil kóterip, demalyp júrgen kórinedi. Sol sátte aıaǵymnyń aýyr ekenin bildim. Al ol kezde men olardyń eshqaısynyna kerek emes edim. Meni Rasýl aldady, páterimdi satyp, meni túksiz qaldyrdy» dep kóz jasyn tıa almaǵan Aısha sińlilerine óziniń qateligin qaıtlamaýdy ótindi.