Birneshe jyl buryn amerıkalyq Ingeborg Makıntosh esimdi áıel bul balany asyrap alý úshin kóp kúsh jumsady. Djordan kishkentaı kezinde jetimder úıine tapsyrylǵan. Dál sol balany asyrap alý úshin áıel 4 jyl ýaqytyn sarp etken.
Bulaı uzaq júrýiniń sebebi týǵan anasy balany afroamerıkandyq otbasynyń asyrap alǵanyn qalaǵan edi. Ondaı otbasy tabylmaǵandyqtan jetimder úıiniń jetekshiligi balany Ingeborgqa beredi. Áıeldiń aıtýynsha, ol balany alǵash kórgende óziniń obasynyń múshesi ekenin sezgen.
Arada 20 jyl ótken soń áıel aýyr dertke shaldyǵady. Dereý búıregin aýystyrý qajet bolady, tez arada aýystyrmasa ómirine qaýip tónip turýy múmkin edi. Oǵan qajetti donor tabylmaǵandyqtan uly anasyna jasyryn túrde donor bolamyn dep sheshim qabyldaıdy. Óziniń búıregi anasyna jarar-jaramasyn anyqtaý úshin qan tapsyrady, nátıjesi oń bolyp shyǵady.
Eknishi ómir syılaǵan anasy úshin Djordan dereý ota jasatýǵa bel baılaıdy. Ony asyrap, baǵyp-qaǵyp, bar mahabbatyn aıamaǵan adam úshin janyn berýge daıyn ekenin jas jigit tebirene aıtady. Bul onyń istegen jaqsylyǵyna óziniń alǵysy retinde sanaldy. Ózin asyrap alý úshin anasynyń qansha kúsh jumsaǵanyn jigit jaqsy biledi. Tipti, kishkentaı keziniń ózinde jylýlyǵyn tókken aıaýly jan úshin bul Djordannyń qaıtarymy boldy.
Alaıda, bul anasy úshin istegen jaqsylyqtardyń bastamasy ǵana deıdi. Ony qalaı jaqsy kórip baǵalaıtynynyń kórsetkishi ǵana.
Sóıtip, kópten kútken ota sátti aıaqtalady. Búgingi kúni Ingerborg «Meniń balam – álemdegi eń jaqsy adam» dep senimmen aıta alady.
