Qazaqstanda 5 sáýirden bastap «Emhanaǵa tirkel de – MÁMS júıesindegi óz mártebeńdi anyqta!» atty emhanalarǵa tirkelý naýqany bastalady dep habarlaıdy "Qamshy" aqparattyq agenttigi QR DSM Baspasóz qyzmetine silteme jasap. Ol týraly búgin baspasóz maslıhaty aıasynda QR densaýlyq saqtaý vıse-mınıstri Lázat Aqtaeva málimdedi. 

Sondaı-aq baspasóz konferensıaǵa QR DSM medısınalyq kómekti uıymdastyrý departamentiniń dırektory Ajar Tóleǵalıeva, «Áleýmettik medısınalyq saqtandyrý qory» UAQ basqarma tóraıymy Elena Bahmýtova jáne QR DSM elektrondy densaýlyq saqtaýdy damytý Departamentiniń basqarma basshysy Beıbit Esenbaev qatysty.

«Emhana – ol qandaı da bir medısınalyq kómek alý úshin «kireberis» bolyp tabylady. Onda Siz shyn máninde qaı mekenjaıǵa tirkelgenińizdi tekserý mańyzdy. Sebebi, azamat bir qalada, aýdanda turǵanymen, ol sol mekenjaı boıynsha tirkelmegen bolýy múmkin. Osy oraıda azamatqa medısınalyq qyzmet kórsetý  boıynsha qıyndyqtar týyndaıdy. Osyǵan baılanysty, 5 sáýir men 31 maýsym aralyǵynda áleýmettik medısınalyq saqtandyrý júıesinde óz mártebesin anyqtaý kerek», - dedi baspasóz konferensıa aıasynda Lázat Aqtaeva.  

Óz kezeginde, «Áleýmettik medısınalyq saqtandyrý qory» KEAQ basqarma tóraǵasy Elena Bahmýtova tirkelý naýqanynyń erekshe mańyzdylyǵyna toqtalyp ótti. Aıtýynsha, bul mindetti áleýmettik medısınalyq saqtandyrý (MÁMS) júıesin engizýge daıyndyq sharalarynyń biri bolyp tabylady.

«Qazirden bastap ózińizdiń azamattardyń qaı sanatyna jatatynyńyzdy anyqtap alyńyz. Jarnany siz úshin kim tóleıdi: memleket pe, jumys berýshi me, álde, ózińiz be? Osyny túsinip alý kerek», - dep túsindirdi E.Bahmýtova.

Qor tóraǵasy MÁMS zańy boıynsha, áleýmettik jaǵynan az qamtylǵan 15 sanattaǵy azamattar úshin jarnany memleket tóleıtinin tilge tıek etti.

Azamattardy alǵashqy medısınalyq-sanıtarıalyq kómek kórsetý uıymdaryna (budan ári – AMSK) tirkeý turaqty nemese ýaqytsha turatyn jeri, jumys, oqý, dárigerdi erkin tańdaý, medısınalyq uıymdy bir ákimshilik-aýmaqtyq birlik quzyreti boıynsha júzege asyrylady. Mundaı jaǵdaıda azamattar dáriger men emhanany erkin tańdaǵan kezde emhanaǵa tirkelý bir jylda bir retten artyq bolmaýy tıis.

AMSQ uıymdaryna tirkelý úshin azamat sol uıymǵa ótinish bildirýi qajet. Al otbasy múshelerin tirkeý úshin olardyń jazbasha kelisimimen birge árbireýiniń jeke bas kýáligi bolýy shart.

 «Emhanany tańdaý kezinde medısınalyq qyzmet kórsetýshi uıymnyń sizdiń turǵylyqty mekenjaıyńyzǵa jaqyn bolǵany jón. Bul Sizge  jáne Sizdiń ýchaskelik dárigerińizge de yńǵaıly. Jedel kómek qajet bolǵanda ýaqytynda kelgen dáriger jedel jáne sapaly kómek kórsete alady, - dedi QR DSM Medısınalyq kómekti uıymdastyrý departamentiniń dırektory Ajar Tóleǵalıeva.

Sonymen qatar, QR densaýlyq saqtaý vıse-mınıstriniń aıtýynsha azamattardy emhanaǵa tirkeý MÁMS júıesine qatysý úshin óte mańyzdy. Óıtkeni emhana arqyly densaýlyq saqtaý júıesine jáne atap aıtqanda, saqtandyrylǵan azamattar – medısınalyq saqtandyrý paketi aıasynda medısınalyq qyzmetter paketine qol jetkizedi».

Elimizdiń ár turǵyny emhanaǵa tirkelý naýqany aıasynda bastapqy medısınalyq uıymǵa tirkelgenin tekserýmen qatar, óziniń kategorıasy týraly málimdeýi qajet. Siz kimsiz - jaldamaly qyzmetker, jeke kásipker, ózin-ózi qamtýshy azamat, álde resmı kirisi joq nemese esh jerde jumyssyz bolyp tirkelmegen jumyssyz azamatsyzba?

Erteń saqtandyrylǵan adamnyń mártebesin jáne oǵan qatysty qajetti medısınalyq kómek alý kezinde qıyndyqtar týyndatpaý úshin barlyǵyn qazir anyqtaý mańyzdy bolyp tabylady.

MÁMS júıesine qatysý týraly barlyq aqparatty, jarnalar mólsheri jáne tóleý sqemalaryn Siz óz emhanańyzdaǵy tirkeý orny nemese sizdiń ýchaskedegi medısınalyq qyzmetkerge júginý arqyly bile alasyz.

Sonymen Siz emhanany tańdadyńyz, endi oǵan qalaı tirkelý kerek? Muny júzege asyrý óte ońaı.

Bul úshin Sizge emhanaǵa jeke kýáligińizben kelip, bas dárigerdiń atyna ótinish jazý qajet. Ótinishti tirkeý qabyldaý barysynda Sizden eshqandaı mekenjaı anyqtamasy talap etilmeıdi. Sizdi tirkeý ótinish túsken kúni júzege asyrylady.

Emhanaǵa tirkelýdiń ekinshi tásili ınternet paıdalanýshylar úshin yńǵaıly. "Elektrondy úkimet" (egov.kz) portaly arqyly elektrondyq qujat nysanynda azamattyń málimetterin kórsete otyryp suraý salý qajet. Emhanadaǵy jaýapty qyzmetker elektrondyq suraý salýdy tıisti aqparattyq júıelerden alady jáne Sizdiń tirkeý týraly talonyńyzdy resimdeıdi, sondaı-aq elektrondyq túrde. Tirkelgenińiz jónindegi týraly aqparatty "egov" portalyndaǵy «Emhanany tańda» bóliminde anyqtaı alasyz.

«Sondaı-aq, azamat tek bir emhanada ǵana tirkele alady jáne birýaqytta birneshe emhanada tirkelýi múmkin emes. Azamattardyń ózderi ótinishtermen kelip AMSK uıymdaryna tirkeý kezinde, budan buryn bekitilgen BMSK uıymdarynan avtomatty túrde  shyǵarý «Azamattardy tirkeý regıstri» portaly arqyly júzege asyrylady» - atap ótti Ajar Tóleǵalıeva.