15 jastaǵy bala qysqyrdy ıtke aınaldyrmaq dep habarlaıdy almaty.tv. Besikten áli beli shyqpaǵan bala seleksıalyq jumysqa bel sheshe kirisken. Qazirdiń ózinde túz taǵysy men Sibir laıkasynyń qosyndysynan shyqqan tuqymǵa qyzyǵýshylyq tanytyp jatqandar kóp.
Bul darhan dalada tynym tappaı jortyp júretin túz taǵysynyń jasy altyǵa toldy. Adamnyń bitispes jaýy sanalǵan bóltirik kózin ashqannan bastap Erbolat Mamyrhannyń qolynda ósip jatyr. Alaıda, ıesiniń ózi keıde janyna jolaýǵa júreksinedi. Sebebi qasqyrdy qansha baqsańda taýǵa qarap ulıdy degen sóz bar.
«Bul taza qasqyr. Búginde qolǵa úırengen. Apta saıyn shıki et berip turamyz. Ózderińiz kórip turǵandaı jýas. Itke de jaqyndatady, adamdy da jaqyndatady», - dedi ıttiń tuqymyn asyldandyrýshy Erbolat Mamyrhan.
Bul tórt kúshik qasqyr tuqymdas. On bes jasar Erbolat asyldandyrý jumysy óz jemisin berip jatyr dedıi.
Sibirdiń laıkasyn túz taǵysyna qosyp, sodan shatys tuqym alyp, sony taǵyda ıtpen býdandastyrmaq. Bir qyzyǵy, dóregeı kúshikterdiń qandary bólek ekenin birden ańǵarýǵa bolady.
«Bul qasqyr men Sibir laıkasynyń qosyndysynan shyqqan tuqym. Bundaı seleksıalyq jumys jasaý ońaı sharýa emes. Buǵan da ýaqyt kerek. Kókserektide kórgem, jaqsy bilemin. Maǵan eldiń bári aıtady «Qasqyr men ıtti býdandastyrma, adamǵa shabady» - dep. Biraq men ózimniń pikirimnen aýytqymaımyn», - dedi ıttiń tuqymyn asyldandyrýshy Erbolat Mamyrhan.
Sibir laıkasy men qasqyrdyń qosyndysynan shyqqan kúshikterge eki aı bolǵan. Túrlerine úńilip qarasań ekeýi ıtke, al myna ekeýi túzdiń taǵysyna uqsaıdy. Bulardyń keleshek taǵdyry belgisiz. Múmkin bireýdiń qorasyndaǵy malyn nemese kúrkesindegi taýyǵyn jer. Eń bastysy adamı qasıetti joǵaltyp, tabıǵatqa qarsy shyqpaıyq.
Itpen túz taǵysyn býdandastyryp sodan tuqym shyǵaryp jatqan bul azamattyń negizgi maqsaty júregi túkti qazaqy tóbet shyǵarsam deıdi. Biraq oǵan keminde jıyrma jyl ýaqyt ketetinin kórinedi.
Kókbóriniń urpaǵy ekenimiz keshegi tarıh betterinde anyq jazylǵan. Búginde ańshylar qasqyrdy qyrǵıdaı qyryp, tuqymdaryn joıyp jatsa, endi biri qolda asyraıdy. Biraq men úshin bul kókjaldyń taǵdyry óte aıanyshty. Sebebi, qaıtkenmende dala taǵysy ǵoı.
