Almaty men Almaty oblysynyń shekarasynda ornalasqan Karernaıa kóshesinde jol apaty boldy dep habarlaıdy «Qamshy» aqparattyq agenttigi patrul.kz-ke silteme jasap.

Erli-zaıyptylar jumystan shyǵyp, úılerine qaraı kele jatqanda er adam joldan júgirip ótpek bolǵan. Sol kezde er adamdy kólik qaǵyp ketti. Kólik júrgizýshisiniń jyldamdyqty asyryp kele jatqany da anyqtaldy. Er adam sol jerde kóz jumdy. Soqqynyń qatty bolǵany sonshalyq kóliktiń kapoty maıysyp ketken, er adam basymen soqtyǵysqan kólik áınegi qatty shytynaǵan.

Kóz aldynda kúıeýin qaǵyp ketkenin kórgen áıeline medısınalyq kómek kórsetildi. Bir saǵat boıy áıeli óz-ózine kele almaǵan. Qaıtys bolǵan er adam alty balanyń ákesi eken.

Tekseris barysynda apat bolǵan Karernaıa kóshesinde jaryqtandyrý nashar ekeni de anyqtaldy. Qazir sotqa deıingi tekserý jumystary júrgizilip jatyr.