Soltústik Qazaqstan oblysynyń ákimi Qumar Aqsaqalov jumys saparymen Ǵ.Músirepov atyndaǵy aýdanǵa bardy. Óńir basshysy birinshi kezekte «MasloDel» JSHS-ǵa soqty. Kásiporyn qyzmetiniń negizgi túri – tazartylmaǵan ósimdik maıy men tońmaı shyǵarý. Óndiris ornyna 2011 jyly Indýstrıalandyrý kartasy aıasynda jalpy somasy 380 mln. teńgege jańǵyrtý júrgizilipti.
«Bizdiń zaýyt 2005 jyly quryldy. Ol maıly daqyldardy óńdeýmen aınalysady. Táýliktik ónimdiligi 400 tonna raps, 120 tonnaǵa deıin maı shyǵaramyz. Sodan keıin bizdiń ónim ári qaraı óńdeý úshin Almatyǵa jóneltiledi. Maı túri kóp: kendir, raps maılary sıaqty 7 túrli ónim shyǵaramyz. Zaýytta 120 adam eńbek etedi»,-dedi kompanıanyń bas ınjeneri Sergeı Dómın.
Oblys ákimi Qumar Aqsaqalov maıly daqyldar alqabyn kóbeıtý kerektigin atap aıtty.
«Maıly daqyldar óndirisin bastaǵan kezimiz áli esimde. Barlyǵy da jaqsy bola qoıǵan joq, tehnıka tańdaı almadyq, tehnolgıamen jumys isteı almadyq, kadrlarymyz da daıyn emes edi. Qazir jaǵdaıymyz jaqsardy, ótkizetin naryǵymyz da bar. Endi qol jetkizgennen aırylyp qalmaýymyz, kerisinshe keńeıýimiz kerek. Búgin ósimdi eskere kelip, 712 myń gektarǵa maıly daqyl egemiz. Respýblıka boıynsha eń kóp kzlemdi ıelenetin bolamyz. Maı óndirý boıynsha alǵa jyljımyz, ári qaraı óńdeýge kóńil aýdaramyz. Endi bizdiń «Taıynsha maı» sekildi básekelesimiz bar. Bári baǵaǵa baılanysty bolady. Uqsatýshylar barlyq júıeni qalaı jetildirýdi oılaı bastaǵany jón. Sapaǵa áser etpeıtindeı, keı bireýin arzandatý qajet»,- dedi óńir basshysy.
. Qumar Aqsaqalov kúnjarany qaıta óńdeý men mal sharýashylyǵy úshin quramajem óndirýdi de qozǵady. Osy jerde Ǵ.Músirepov atyndaǵy aýdannyń «kimi Vladımır Dýdov aýdannyń áleýmettik-ekonomıkalyq damýy týraly baıandady.
« Ótken jylmen salystyrǵanda eki aıdyń qorytyndysy boıynsha nvestısıa 1,8 paıyzǵa ósti. Onyń basym bóligin kásiporyndardyń óz qarajaty quraıdy. Ekonomıkalyq belsendi turǵyndar sany – 21230 adam, ol aýdan turǵyndarynyń 52 paıyzy. Jaldamaly qyzmetkerler – 16840 adam. Ózin –ózi qmtyǵandar – 2768 adam. 2017 jyldyń qorytyndysy boıynsha 1248 adamdy jumyspen qamtýdy josparlaýdamyz. Memlekettik baǵdarlamalar aıasyndaǵy jospar – 806 jańa jumys orny. Jumyspen qamtýdy qamtamasyz etý jáne jappaı kásipkerlik jónindegi baǵdarlamalar aıasynda 274 mln teńgeniń qarjysy bólindi. Bıyl 70 adamdy qaıta oqytýdy josparlap otyrmyz»,- dedi Vladmır Dýdov.
Aýdannyń agroqurylym basshylarymen áńgime barysynda Qumar Igibaıuly kóktemgi-dala jumystaryna ázirlik máselesin talqylady. Oblys ákimi tuqymnyń sapasyna, janarmaı qoryna qyzyǵýshylyq bildirdi. «Tuqym»JSHS-niń elıtalyq tuqym sharýashylyǵy óńir basshysynyń nazaryna óz ónimderin usyndy.
«Biz tájirıbe stansámyz barynsha jumys istep, bizdi barynsha sapaly tuqymmen qamtamasyz etýi úshin jumys isteıtin bolamyz. Bul óte mańyzdy. Barlyq surypty baıqaýǵa, synaýǵa bolady. Budan basqa, biz sút pen et óndirýimiz kerek, óıtkeni ol da bizdiń dástúrli óndirisimiz. Adamdar kóktem men kúzde ǵana emes, qysta da jumys isteýi qajet. Osylaı eńbek etetinderge qoldaý kórsettetin bolamyz. Bıyl jaz ystyq bolady dep boljanýda, bizdiń aımaq úshin ol jaqsy. Eń mańyzdysy – ylǵaldy saqtaı bilý kerek. Shópten mol ónim alý úshin de oǵan ylǵal jabý kerek shyǵar» ,- dedi oblys ákimi.
Budan keıin óńir basshysy ótken jyly paıdalanýǵa berilgen Novoıshım qazaq mektep-ınternatynyń jaraqtandyrylýymen tanysty. Onda 50 muǵalim eńbek etedi, oqý orny 400 oqýshyǵa shaqtalǵan. Qumar Aqsaqalov dene tárbıesi sabaǵy men balalar qoldanbaly óner buıymdaryn jasap jatqan eńbek sabyna qatysty. Kitaphanada joǵary synyp oqýshylary qazir ózderi ázirlep jatqan ǵylymı jobalar jaıynda óńir basshysyna aıtyp berdi. Mekteptiń baı materıaldyq bazasy oqý úshin zor múmkindikter jasap otyr. Qumar Igibaıuly olarǵa aldaǵy emtıhandy jaqsy tapsyryp, JOO-ǵa túsýlerine tilektestigin bildirdi
Oblys ákimi mekteptiń asqanasyn aralap, jataqhana jaǵdaıymen tanysty. Onda jaqyn aýyldardyń balalary turady. Ár senbi saıyn tústen keıin mekteptiń avtobýsy olardy úılerine aparyp tastaıdy. Óńir basshysy mektep baǵdarlamasynan tys balalardyń jan-jaqty tárbıelengeni mańyzdy ekendigin atap aıtty
«Tústen keıin sportpen aınalysa ma? Án-kúıge bara ma? Mektepten basqa oqýshylar sportpen, shyǵarmashylyqpen aınalysýy kerek. Barynsha jumysbasty bolýy qajet. Mádenıet úıinde de daıyndalsyn. Barlyǵy – 100 paıyz. Onyń ústine balalar úshin bári tegin bolýy qajet»,- dedi Qumar Igibaıuly.
Jataqhanada oblys basshysy elimizdiń jumysy az óńirlerden qonys aýdarǵan oqýshylarmen jáne olardyń ata-analarymen kezdesti. Aýdan ákiminiń aqparatyna qaraǵanda, ótken jyly 7 otbasy kóship kelgen, olardyń eńbekke jaramdy 31 adamy tolyǵymen jumysqa ornalasqan.
Jýraevtar otbasynda 7 bala tárbıelenýde. Otaǵasynyń aıtýynsha, olar Saıram aýdanynan qonys aýdarǵan. Olarǵa munda bári unaıdy, aýdan jaqsy qoldaý kórsetedi. Onyń taıaýdaǵy maqsaty – óz isin ashý. Aqylbekovtar otbasy da óz jospary jaıynda aıtyp berdi. Jas maman dárigerlik ambýlatorııde eńbek etedi, zaıyby – ortalyq aýdandyq aýrýhanada ádisker. Taǵy bir otbasy Maqtaral aýdanynan qonys aýdarypty. Eri Novosel aýyldyq okrýginde bas maman bolsa, áıeli – mektepte.
«Jumys isteý kerek, ekonomıka ósýge tıisti. Bizge eńbek etetin adamdar kerek.. Ótken jyly bizge 700 adam kelse, bıyl OQO, Jambyl jáne Qyzylorda oblystarynan 1000 adamdy kóshirip ákelýdi josparlap otyrmyz. Mynandaı jerde tek jumys isteý kerek. Sýyqqa úırendińizder me? Týǵan-týystaryńyz bolsa, shaqyryńyzdar. Basy bastalǵasyn, jalǵasy da jáne onyń nátıjesi de bolady Biz bir halyqpyz, eshqandaı aıyrmashylyǵymyz joq. Ońtústik óńirlerdiń adamdary jermen jaqsy jumys isteıdi, kókónis ósire biledi. Memleket pen bizdiń tarapymyzdan qajetti kómek kórsetiledi. Óz isterińizdi ashqylaryńyz kelse, arnaıy baǵdarlamalar bar. Qoldaımyz»,- dedi oblys ákimi.
Ári qaraı óńir basshysy «2017-2020 jyldarǵa arnalǵan qunarly jumyspen qamtýdy jáne jappaı kásipkerlikti damytý» baǵdarlamasy boıynsha salynyp jatqan 50 páterlik turǵyn úıdiń qrylysymen tanysty. Nysandy salý kezinde 90 paıyz qazaqstandyq mazmundaǵy ónimder, onyń ishinde Ǵ.Músirepov atyndaǵy aýdanda da shyǵarylatyn materıaldar paıdalanylady eken
« Bir bólmeli páterler – 15, eki bólmelisi - 21, úsh bólmeli páter – 14. Aıaqtaý merzimi - ústimizdegi jylǵy 30 qyrkúıek. Jalpy qurylys týraly aıtatyn bolsaq, damý úrdisin baıqaýǵa bolady. Bes jylda aýdan boıynsha 34 myń sharshy metr turǵyn úı paıdalanýǵa berildi. Bıyl 8100 sharshy metr turǵyn úıdi iske qospaqpyz»,- aýdan ákimi Vladmır Dýdov.
Osy jerde oblys ákimine jergilikti jerde óndiriletin qurylys materıaldary men jıhazdar kórsetildi. Óńir basshysy qurylystar óz materıaldarymyzdan salynýy kerek dedi.
«Bizdiń kásiporyndar barynsha jumysbasty bolǵanyn qalaımyz. Olar salyq tóleýge de, ónim shyǵarýǵa da tıis. Bizde nege óz kirpishimiz joq? Biz óz aqshamyzdy nege syrtqa jiberemiz? Biz zaýytta sendvıch-panelder shyǵara alamyz.Qazir memlekettik tapsyrys bar – olardy óz kompanıalarymyzǵa beretin bolamyz. Tek oblys aýmaǵynda jumys isteıtinderge ǵana. Qıyrshyq tasty Aqmola oblysynan ákelýdemiz. Bizdiń óz materıaldarymyzdan qıyrshyq tas shyǵaratyn zaýyttarymyz bar ǵoı, bul – durys emes. Bizdiń aqshamyz óz oblysymyzda qalýǵa tıisti. Biz jańa jumys oryndaryn ashý úshin eńbektenýimiz kerek. Sonda bizdiń ónimimiz de suranymdy bolady»,- dedi Qumar Igibaıuly.
Sapar sońynda Qumar Aqsaqalov «Nur Otan» partıasy fılıalynyń májilis zalynda jurtshylyqpen kezdesti. Óńir basshysy eńbek ardagerlerimen, aýdannyń qurmetti azamattarymen, Qoǵamdyq keńestiń ókilderimen áńgimelesip, aýdannyń bar kúsh-jigerin qazir kóktemgi-dala jumystaryna jumyldyrý qajettigin atap aıtty. Kezdesý sońynda Qumar Aqsaqalov balalar men jasóspirimder sport mektebiniń dırektoryna «Gazel» avtomobıliniń kiltin tabys etti. .
