Basynda súısindirgen, keıin uzaqqa sozylyp qaımana qazaqty kúıdirgen «Kelin» úndi telehıkasynyń bas keıipkeri, Anandı rólin somdaǵan Avıka Gor otandyq rejıserlerdiń shaqyrýymen Qazaqstanǵa kelipti dep habarlaıdy «Qamshy» aqparattyq agenttigi. Bárine ınstagram áleýmettik jelisi kýá.  Avıka Gor búgingi tańda shyraıly Shymkentke taban tirep, «Kúlpashtyń hıkaıalary» jobasyna atsalysýda. Túsingenimizdeı ol tek bir jobaǵa emes, birneshe qazaqstandyq jobaǵa qatysatyn sıaqty. Ataqty «kelin» arqyly jobanyń tanymaldylyǵyn arttyqmaqshy bolǵan rejıserlerdiń is-áreketine tańbyz. Ne desek te qazir ózinde aq ınstagramdaǵy eń qyzyqty, eń kóp kórilgen vıdeolardyń biri Anandıdiń Qazaqstanda ótkizilip jatqan túsirilimge qatysyp jatqan sáti.