Qazaqstandyq depýtattardyń jalaqysy ósti dep habarlaıdy sn.kz. 

Aqparat taratýshylardyń keltirgen deregine saı 1 naýryzdan bastap Májilis depýtattarynyń aılyq-jalaqysy 30 paıyzǵa artqan.

Bul aqparatty depýtattar Baqytbek Smaǵulov pen Ekaterına Nıkıtınskaıa da rastaǵan.

"Iá, jalaqymyz ósti. Biz buǵan deıin úkimet múshelerinen az aılyq alatynbyz. Sondyqtan bul máseleni kótergen bolatynbyz. Óıtkeni, halyqaralyq tájirıbede depýtattar eń joǵary saıası qyzmetkerlerdiń biri bolyp esepteledi. Bizdiń jalaqymyz komersıalyq júıedegi sekildi emes, memlekettik qyzmettegi júeıdegideı ústememen beriledi", - deıdi Ekaterına Nıkıtınskaıa.

Ázirge depýtattardyń jalaqysy qansha paıyzǵa óskeni naqty belgili emes, keıbir derekterde 30 paıyz, ózgelerinde 50 paıyz dep kórsetilgen.

Májilis depýtattarynyń bári birdeı jalaqy almaıdy eken. Olarǵa jumys isteıtin komıtetterine baılanysty ártúrli ústemeler tólenedi. Jalpy alǵanda, májilismenderdiń ortasha jalaqysy buǵan deıin 500 myń teńgeni qurap kelgen.