Zoobaqta kelýshilerdiń esinde máńgilik saqtalyp qalatyn túrli jaǵdaılar bolyp jatady. Keıbireýleri, tipti, ekinshi ret ol jaqqa aıaq baspaýy múmkin. Sondaı qyzyq jaǵdaılardyń biri Chılı elinde oryn aldy. Chılıdiń astanasy Santágo qalasynyń turǵyny zoobaqqa baryp, óz-ózin óltirmek bolǵan. Oıyn iske asyrý maqsatynda ol arystandar otyrǵan torǵa sekirip ketken, dep jazady "Qamshy" aqparattyq agenttigi svoboda2.com basylymyna silteme jasap.

Franko Lýıs Ferrada Roman esimdi 20 jastaǵy jetkinshek ústindegi kıimderin sheship tastap arystandardyń aldyna sekirgen. Bolǵan oqıǵanyń kýágerleriniń aıtýynsha, jas jetkinshek Isa paıǵambar jaıly bir sózderdi aıqaılap, qaıtalap aıtyp jatqan.

Jigitti qutqarý úshin zoobaq qyzmetkerleri eki arystandy atyp tastaýǵa májbúr boldy. 15 jyl boıy sol zoobaqta turǵan arystandardyń biri erke, ekinshisi urǵashy arystan. Zoobaq dırektory Alehandra Montalva: «Janýarlar adam ómirine qaýip týǵyzbas úshin bizde belgili erejeler bar. Qutqarýshy top dereý áreket etpegen jaǵdaıda, biz ol jigitti qutqara almas edik. Janýarlarymyzdy óltirgenimiz úshin qatty qaıǵyryp turmyn», - dep málimdedi.