Memleket basshysy Mysyr Arab Respýblıkasynyń Prezıdenti Ábdel Fattah As-Sısıge Tanta jáne Aleksandrıa qalalarynda bolǵan terrorlyq aktilerge baılanysty kóńil aıtý jedelhatyn joldady dep habarlaıdy "Qamshy" aqparattyq agenttigi prezıdenttiń baspasóz qyzmetine silteme jasap. 

Qazaqstan Prezıdenti Tanta jáne Aleksandrıa qalalaryndaǵy kopt pravoslav shirkeýlerindegi terrorlyq akt saldarynan kóptegen adamnyń qaza bolǵany jáne zardap shekkeni týraly habardy zor kúızelispen qabyldady.

«Qazaqstan halqynyń jáne jeke ózimniń atymnan Sizge, sondaı-aq qaza bolǵandardyń otbasylary men jaqyndaryna kóńil aıtyp, orny tolmas qaıǵyǵa ortaqtastyǵymdy bildiremin. Qazaqstan Mysyrmen birge elderimizdiń beıbit ómiri men qaýipsizdigin qamtamasyz etý úshin qazirgi zaman qaýip-qaterlerine qarsy kúreste kúsh-jiger jumyldyrýǵa daıyn», – delingen jedelhatta.