Jańa jyl qarsańynda bolǵan oqıǵa eldiń záresin aldy. 4 qańtar kúni Vıktor Danılov esimdi Aqtóbelik turǵynnyń úıine úsh balasymen birge dosy qonaqqa kelgen, biraz ýaqyttan soń dosynyń áıeli kelip qosylǵan. Úıdiń egesi qonaqjaı bolyp shyqpaı, balalarynyń kózinshe ákesin pyshaqpen baýyzdap óltirgen. Júregine tıgen eki soqqydan soń zardap shegýshi qashyp úlgerip, birinshi qabatqa jetkennen soń kóz jumdy. Balalarynyń úlken 16 jasta, dep habarlaıdy timeskz.kz basylymy. Málimettiń qazaqsha nusqasyn «Qamshy» aqparattyq agenttigi oqyrman nazaryna usynady.

Balalarynyń biri sol sátte dereý uıaly telefonyn qolyna alyp, ákesin óltirgen qylmyskerdiń kinásin dáleldeý úshin vıdeoǵa túsirip alǵan.

Áıeli men alalary qomaqty qarjy talap etip, moraldyq shyǵyn óteýi jóninde sotqa shaǵym túsirgen.

«Mende ondaı qarajat qaıdan bolsyn, kóp bolsa 10 jyl ómirim qalǵan shyǵar», - dep málimdedi Vıktor Danılov.

«Japa shekken adam jaqynynan aıyrylǵany úshin qandaı kólemde qarjy surasa da, ózi biledi», - dep habarlady sot sheshimin shyǵarýshy Gúljan Ajıgalıeva.

Búgin tańerteń sot Vıktor Danılovty 10 jyl qatań rejımde jazasyn óteýge úkim shyǵardy. Sonymen qatar alkogólden emdelýge qatań eskertý jasaldy. Qylmyskerden 2 mıllıon 500 myń teńge moraldyq shyǵyn óteý talap etildi.

Aýdarǵan: Nazerke Labıhan