Rýt Skallıdyń jýynatyn bólmedegi kilemshege qaraǵan saıyn júregi qanjylaıdy. Sebebi, ol – balasyna degen ystyq estelikterge toly kilemshe. Nolan Skallı esimdi qaterli isikpen aýyratyn bala anasynsyz bir kún de ómir súre almaıtyn. Anasy jýynatyn bólmege kirip ketken ýaqyttyń ózinde esik túbindegi kilemshede jatatyn.

Aýrýdyń bári balanyń murnynyń bitýinen bastalǵan. Oǵan anasy alǵashynda kóńil aýdarmaǵan. Ýaqyt óte kele balanyń qulaǵy estimeıtin bolady, sóıtip, dárigerler balanyń aýyr dertke shaldyqqanyn, qaterli isiktiń baryn habarlaıdy.

Túnniń bir ýaǵynda balanyń jaǵdaıy kúrt nasharlap, dereý aýrýhanaǵa jetkiziledi. Sóıtip, balaǵa neshe-túrli dári-dármekter jazyp beredi. Alaıda, onyń eshbiri kómektespeıdi. İsigin alyp tastaýy úshin ota jasatý qajet bolady. Ota 2015 jyldyń qarashasynda jasalady.

Alaıda, otanyń da asa qatty áseri bolmaıdy. Sóıtip, dárigerler balada rabdomıosarkoma – jumsaq tinderinde qaterli isik bar dep, hımıalyq terapıa bastaý kerek ekenin aıtady.

Nolandy tanyǵan jurttyń bári bala úshin duǵa jasaıdy. 2017 jyldyń 4 aqpanynda bala ómirmen qoshtasady.

Ana úshin balasyn jiberip qoıý aýyrǵa soqqany anyq. Sońǵy hımıoterapıa jasalǵanǵa deıin dárigerler aýrýhanaǵa balanyń bar tanystary men jaqyndaryn shaqyrady. Al, Nolan tek anasy úshin ǵana aýrýymen kúresti.O dúnıege barǵanda anasy kelgenshe oınaı turatynyn aıtqan.

Otbasy balanyń sońǵy kúnderinde úıine alyp ketpek bolǵanda, balasy bári jaqsy bolatynyn alǵa tartyp, aýrýhanada qala berýin ótinedi.

Sońǵy 36 saǵat qalǵanda Skallı jýynyp alý úshin shyǵyp ketedi. Shyqqanda ádettegideı balasy esik túbindegi kilemshede jatýy tıis edi. Alaıda, jýynyp shyqqanda kilemshe bos turady. Sóıtip, ana balasynyń mıyna ottegi jınalyp, komaǵa túsip qalǵanyn estıdi. Skallı balasynyń janyna kelip jatady. Sol ýaqytta, Nolan nebári 4 sóz aıtý úshin oıanyp, máńgilik saparǵa attanyp kete bardy. Sondaǵy aıtqany: «Men seni jaqsy kórem, anashym».

Budan soń Skallı óziniń Feısbýk paraqshasyna bylaı dep jazady: «Endi men jýynatyn bólmege kirýge qorqamyn. Jýynyp shyqqan saıyn balam jatqan kilemshe bos turady».