Polıseıler Semeıde bolǵan jappaı tártipsizdikti zerttep jatyr, - dep habarlaıdy Tengrinews.kz.

9 sáýirde shamamen túngi saǵat 23.00-de bir top jigit Óskemen kóshesinen Vostochnyı aýylyna baratyn jolda tóbeles shyǵarǵan. Shamamen 20 adam aıǵaılap, shýlap, joldaǵy qozǵalysqa bóget bolǵan. Kýágerler jigitterdiń bir-birimen tóbelespekshi bolǵan sátin vıdeoǵa túsirip alǵan.

Biraq polısıa qyzmetkerleri bul tóbelestiń aldyn alǵan. "Qaza tapqandar men zardap shekkender joq. Tóbeleske qatysqan barlyq adam ustaldy, biraq olar syrtqa shyqpaý týraly qolhatpen jiberildi. Oqıǵanyń mán-jaıy anyqtalyp jatyr", - dedi Semeı qalalyq İİB ókilderi.

Ustalǵandardyń basym bóligi jastar ekeni belgili boldy, olardyń kóbisi - kámelet jasyna tolmaǵandar. Qazir quqyq qorǵaý organdary olardyń ata-analarymen de jumys istep jatyr.