AQSH-tyń Sırıany bombalaýy, Soltústik Koreıaǵa ashyq ses kórsete bastaýy, Qytaı jáne Reseımen qandaı ustanymda bolatyny – qazirdiń ózinde aıqyndala bastaǵandaı.

Atap aıtqanda, AQSH-tyń Sırıa bıliginiń qarýly kúshterin ashyq bombalaýy – Reseıge kórsetken ashyq qyry.

Qytaıdyń eshqashan da Reseımen dos bolmaıtyny belgili. Sebebi, Qytaıdyń  Reseıge qoıar jer daýy bar.

AQSH-pen Qytaı  ózara tolyq túsinistikke qol jetkizse, Soltústik Koreıa men Reseıdiń sory deı berińiz.

Osy eki alyp memlekettiń qaı jaǵynan kórsetetin qysymynyń nátıjesi – Reseıdiń ishki saıasatyna áser etpeı qoımaıdy. Atap aıtqanda, ekonomıkasy shatqaıaqtaǵan Reseıde qazir narazylar sany kún saıyn artyp keledi. Bul elde narazylyq sherýleri jıilep, bılikke ashyq qarsylyq kóteriliske ulasýy ǵajap emes. Qazirgi tarıhı jaǵdaı osyǵan megzeıdi.

Eger Reseıde «uly ózgerister» bolyp, demokratıa jeńip shyqsa, eń aldymen sorlaıtyn Qazaq Eliniń orysshyl bıligi ekeni daý týǵyzbasa kerek. Kúni búginge deıin bıliktegi reseshilder ashyqtan ashyq Qazaqty, Qazaq Tili men Dinin qorlap kelgenin eshkim joqqa shyǵara almasa kerek. Qazaqstandaǵy BAQ ataýly Reseı yqpalynda ekenin, qazir kózi ashyq jandardyń barlyǵy da biledi, sezedi. Ásirese, aty «qazaqstandyq», zaty «reseılik» telearnalar ustanǵan saıasat, qazaqty qorlaý úshin qaptaǵan saıqymazaqtar paıdalanýy, ol kloýndardy memlekettiń negizin quraýshy Qazaq ultyna óshpendilikpen qarsy aıdap salyp otyrǵanyn qarapaıym qazaq halqy jaqsy biledi.

Erteń Reseı basyna kún týyp jatsa, bizdegi qujynaǵan reseıshilderdiń jaǵdaıy kúrt nasharlaıdy. Olar qashyp barǵanymen Reseı panalatpaıdy, atap aıtqanda, qul-qutandar dalada qalady, al, Qazaqtyń kúni týady degen sóz!

Menińshe, ol  kúnge kóp qalǵan joq!

Ana qazaqty qorlaýshy «shúldirbaılar», osyny qazir túsinbese, erteń barlyǵy da kesh bolady!

Oılan, oıan, tilsiz ári dinsiz, «shala» Qazaqtar!..

Jumash Kókbóri,

10.04.2017 jyl, dúısenbi.