Germanıa áleýmettik jelide óshpendilik pen azǵyndyqty nasıhattaıtyn jazbalarǵa shekteý qoıdy. Endi elde bul másele zańmen rettelmek.  Jańa qujat boıynsha áleýmettik jeli tyıym salynǵan kontentti der kezinde alyp tastamasa, oǵan iri kólemde aıyppul salynady.  Germanıa úkimeti osyǵan qatysty arnaıy zań qabyldady,-dep habarlaıdy Qamshy aqpartattyq agenttigi khabar.kz telearnasyna siteme jasaı otyryp. 

El úkimeti buǵan deıin de Facebook, Twitter, YouTube sıaqty saıt qoldanýshylaryn jónge kelýge shaqyrǵanymen, nátıje bolmady. Endi halyq arasynda iritki tastap, arandatý maqsatynda jazylǵan árbir kontent úshin  jaýap beredi.  Osyndaı ultaralyq shıelenis pen óshpendilik týdyratyn jazbalar jelige salynǵan jaǵdaıda 24 saǵattyń ishinde alynyp tastalýy tıis. Endi jańa zań boıynsha jeliniń Germanıadaǵy ókildigine 5 mln evro, al kompanıanyń ózine 50 mln evroǵa deıin aıyppul salynbaq.  Germanıa halqynyń jańa zańǵa degen pikiri ekige jaryldy. Máselen, osy eldiń jýrnalıser odaǵy men birqatar saıasatkerler jańa zańdy jappaı synǵa aldy. Olar bul sóz bostandyǵyn shekteý dep sanaıdy.  Al turǵyndardyń deni áleýmettik jelide talaptyń qataıtylýyna qoldaý bildirip jatyr.  Áleýmettik jelini baqylaý munymen shektelmeıdi. Sonymen qosa jelige jalǵan aqparat salýǵa da tyıym salyndy. Alǵash bolyp, Facebook zań aıasynan shyqpaıtyndyǵyn málimdedi.  Kompanıa málimetti tekseretin mekemelermen de birigip jumys isteýge daıyn. Tehnologıasyn da osyǵan oraılastyrady. 

Avtorlary: Sholpan Naımanbaeva, Mıloslav Lavrınovskıı