Jartylaı aýyr salmaqtaǵy WBA (Super), WBO jáne IBF tujyrymdary boıynsha Álem chempıony, amerıkalyq Andre Ýord (31-0, 15 KO) orta salmaqtaǵy WBA (Super), IBO, WBC jáne IBF tujyrymdary boıynsha Álem chempıony, qazaqstandyq boksshy Gennadıı Golovkınmen (37-0, 33 KO) jekpe-jek ótkizý úshin salmaq aýystyrmaıtynyn aıtty ,-dep habarlaıdy Qamshy aqparattyq agenttigi vesti.kz basylymyna silteme jasaı otyryp. 

Buǵan deıin amerıkalyq boksshynyń bapkeri Vırdjıl Hanter eger Golovkın 168 fýntqa kóterilse, jekpe-jek ótkizýge daıyn ekenin aıtty.  «Biz salmaǵymyzdy aýystyramyz. Sondyqtan Golovkınniń jekpe-jekten bas tartatyn basqa sebebi bolmaıtyn shyǵar. Biz Kovalevpen jekpe-jek ótkizip bolǵannan keıin salmaǵymyzdy aýystyramyz. Sol ýaqytta Golovkınniń qashyp qutylatyn amaly bolmaıdy», – degen edi bapker. 

Al qazaqstandyq boksshynyń promoýteri Tom Leffler bolsa Golovkınniń 168 fýntqa kóterilip, Ýordpen kezdesýi ábden yqtımal ekenin aıtty.  Degenmen, Andre bul alyp-qashpa áńgimege núkte qoıyp, salmaq aýystyrmaıtynyn aıtty.  «Men 168 fýntqa túspeımin. Bul salmaqta men buǵan deıin óner kórsetken edim. Hanterdiń bul týraly aıtqanyn estidim. Biraq men salmaq aýystyrmaımyn. Men ony basqa salmaqqa aýysarǵa deıin aıtqan edim. Golovkınniń menimen jekpe-jek ótkizetin múmkindigi boldy. Biraq ol bizge beımálim sebepke baılanysty kezdesýden bas tartty. Ol jekpe-jekti eki-úsh jylǵa keıinge shegergisi keldi. Alaıda qazir men salmaq aýystyryp qoıdym. Sondyqtan endi 168 fýntqa túspeımin. Eger ol salmaǵyn aýystyryp, menimen kezdesý ótkizgisi keletin bolsa, onda áńgime basqasha bolady», – dep keltiredi Ýordtyń sózin BoxingScene.com portaly.